大家又要坐時光機...返返去兩個月前...2011-01-25...!! 哈~~~ 我都覺得幾懶下...家下先黎補呢個大日子~~~
點解要講番呢日...因為呢日係阿B新曆生日既前夕....!! 我在大概一月頭已經 BOOK左場約左位相熟既老師...教我去整個 Birthday Cake 比屋企個男人~~!! 家中的男人比較咀尖...唔太好凍餅...鍾意食有海棉蛋糕底既 cake...咁屋企當時又無焗爐...又唔想咁無誠意求其買d現成既餅底再去加工~~!! 我要成個蛋糕都係自己一手一腳完成的!!! 唔可以出貓~~!! 我仲好早已經試探過佢會鍾意食咩味...一如我所料...Mango !!!
之前同 miss 討論整咩 cake 好...都遇到個問題...就係呢個時候芒果唔當造...可能會酸...@@!!! 所以 miss 話到時睇下可以轉做 strawberry!!! OH~!! 唔得啦...成個 strawberry 味佢都唔鍾意食既!!! 揀蛋糕款都令我好頭痛...!! 仲去美心買個迷你版試食...嘩~~~酸到丫!! 朱古力綠茶等佢又唔好...即係好多款蛋糕都唔得......不過最後我都係決定整 " 芒果趣趣 " !!! 堅持!!
有兩位好姊妹義不容辭陪我一齊去學...咁三人同行又平少少...又玩得開心d...!!
仲記得o個日好凍...我地著得鬼咁多衫...不過一路整一路好熱...佢地話我因為有重任所以好緊張...都係既...不過係因為我企得最近預熱緊既焗爐...覺得好焗...個腦有點迷糊咁......兩樣加埋...我就成日出錯...分蛋又搞到一檯都係...!! 切蛋糕又差d整爛面o個片...又唔多識切芒果起肉......真係一額汗呀~~ 好彩最主要靈魂~~海棉蛋糕焗得唔錯...夠鬆軟~!!
miss 仲教我地焗 cookie 添呀~~ 用黎做寫字用既蛋糕牌~~!!!
今次整得好耐呀...因為呢個蛋糕都幾多step... miss 仲緊張過我...係都要我唧靚d cream ...成日抹左我唧o個d叫我再唧過...NG左三次...終於都收貨...哈~~
因為我切芒果起得唔多肉...所以唔夠芒果用...不過 miss 好好呢...比左 d strawberry 我地加上去...多左顏色咁仲靚d添~~~!!
我個製成品 ok 嘛?!
搞結婚時整左 d 名字絲帶...最後無機會用到...今朝醒起...拎埋黎綁落個 cake 度...yeah~~!! 靚嘛?! 獨一無二的~!!
加埋個 cookie 名字牌...大功告成!!! 希望家中位男人鍾意啦~~~!!
兩位好姊妹整既 cake 都好靚架~~~!! 各有特色的!!
踏正十二點~~~~ 一家人排排坐...影張相...許個願....~~!!
我買左兩支英文字的蠟燭..."JB"...哈哈~~~~ 一黃一紅的...插響蛋糕上面...我覺得勁 match 蛋糕既顏色~~!!
許完願~~~切蛋糕喇壽星仔!~!!! 祝你生日快樂~~~身體健康...開開心心~~ (簡簡單單的祝福...但係呢兩樣都係人生最重要既野~!!)
個蛋糕味道如何...?! 阿B都讚好味~~ 我都覺...嘩哈哈~~~ 唔係得個樣的~!!!
預告: 下一篇係正日慶祝篇~~~ heehee~~~ (呢句係寫比我自己睇...因為驚又唔記得blog ~~!!)
好 sweet o. 個cake 整得幾靚,你老公一定好開心。
回覆刪除[版主回覆03/31/2011 11:04:00]佢收到真係好開心呀...好彩呢個 cake 整得好食 (因為我唔係每個都整得好食架...)...heehee~~
個cake 好靚呀...祝你老公生日快樂!
回覆刪除[版主回覆03/31/2011 11:05:00]多謝呀~~!! 其實佢響 1 月生日...我忘記 blog...仲有篇食飯慶祝未 blog...heehee~~~ 好懶惰~!!