2011-03-23 創意藝術插花

上次團購的花藝班...今日終於上第二堂了~! 呢堂係學創意藝術插花 (即係亂插...XD)... 阿SIR成堂賣廣告...SELL佢D花藝班...又派傳單...不斷洗我地腦 XD ...

D同學成日窒阿SIR...又猛叫佢平D賣coupon...搞到阿SIR越講越激動...我地就叫佢冷靜D...佢又話花貴呢樣o個樣...仲話自己係少數鐘意藝術又鍾意科技既人...我覺得呢位叔叔真係好搞笑...

 

今次d花材好好多...不過都係少~~~ 插呢盤花其實唔駛 15 mins...不過中段阿 sir 加插左好多廣告時段...hahaha~~~

 

 

未夠鐘上堂...兩隻野就通常周圍搞搞貢~~~

 

我地好快就完成作品喇~~~~ 阿 sir 讚我地呢班都插得唔錯...呵呵~~~

 

呢盤就係我人生既第一盤插花~~~ 都唔錯丫~~~

 

 

返到屋企又有愛心麵食...本來我話淨麵 OK了...不過我家的男人總係一邊話我肥...一邊就係咁比野我食...  碗麵仲有甜豆 + 兩條腸仔...好 warm...  阿細不知幾開心...因為佢好鍾意食腸仔架...實要同我瓜分財產的...比遲一陣都吠我...@@~~~

 

睇下佢個為食樣...為左食...乜都識做...平時叫佢做就扮懞扮聽唔到~~!! 

 

家下?!  叫佢坐低就坐定定...叫佢扒響度就扒響度...叫佢比 hand 就比 hand (不過佢而家好衰...比 hand 係唔望住你既...!!)...叫佢咋死即咋比你睇...!!!  反應絕對快夾準!!!  哈~~~

 

 

雖然佢好為食...不過佢都好揀野食架...唔係咩都塞入口的...有時佢唔 like 既就塞埋佢咀都會擰轉面...有時甚至會逃走...  佢絕對係一隻好有個性的狗仔~~!!  而且佢唔多肯食陌生人餵既野食...所以想毒佢都幾難~~~~