2011-03-20 原來煮得很快樂~~哈哈~~

星期日...好潮濕既一日...邊度都唔想去...最好匿響屋企...哈~~~我地星期六已經買定左今晚既餸...!!

阿B煲落湯之後就落左樓下洗車...今晚既靚湯係: 粉葛紅蘿蔔粟米雞腳湯~~

仲有雞腳未落~~

我上左陣網就自動自覺準備下晚餐既材料...  阿細細見親我響廚房咁耐...都會好奇怪咁望住我...哈哈~~搵次要影低佢個傻樣先得!!

< 是日材料 >

(1) 荷蘭豆

(2) 肥牛

(3) 黑椒豬扒兩塊

今晚係兩餸一湯~~~

個湯煲到咁上下...就開始合作煮餸喇...首先搞豬扒先~~~

我就學 Aaron 唱 " 動起來" ... "讓~~~我~~~來~~~~!!"  點知阿B 就好衰咁接住唱 : " 讓~~你~~~來~~!!  咁老公會無啖好食......." 

最後豬扒都係由我主力煎...佢響旁邊監控...!! 

哈哈哈~~~ 第二個餸 " 荷蘭豆炒肥牛" 當然由佢黎啦~~~ 起碼快靚正!! 

粉葛紅蘿蔔粟米雞腳湯~~~~ 好清甜呀!!

哈~~ 因為之前買左D紫菜就咁食唔多好味...所以我今晚用左黎包飯食...當堂好味左好多~~~ yummy~!!