噚日...我地一大早就要出發去赤柱...八點要到達啊...個樣都未訓醒...哈哈~~~ 今日既道路非常暢通...我地七點半左右就到左喇~~~
今日係星期六...原本要加 $500 影的...不過因為 Majesty 不斷改期...所以最後 upgrade左我地...唔駛加錢...又唔駛請假...第日仲係 Sun 可以休下息添...正~~!!! Super Lucky~~!!
咁早到...又大風...我地匿響美利樓度避風 & 影下相...哈~~~
呢度真係好大風啊...我仲覺得好凍呢...有 d 開始擔心自己一陣會頂唔順......
大概七點十左右...阿B見到 Majestic 既人黎左喇...所以我地就會合佢地...開始幫我改頭換面喇~~!!! 第一次坐響露天既地方比人化妝...哈~~~越坐越凍呢~~~~
Phyllis 好用心幫我化妝...佢化到我隻眼幾濃下...初時幾接受唔到...不過影出黎又好似都ok...唔知 MC會影成點呢?!
另外幫我 set 頭既係 Fairies ... 呢個頭都幾特別...佢都 set 得好有心機架...
雖然我地個 package 係好平...不過得到既服務又真係好 ok 喎...而且個個 service 我地既都好 nice...!! 不過佢地唔包首飾...我無揀佢地d頭飾啊...自己帶黎既小牡丹頭花真的不錯......
哈~~阿B呆坐左好耐...終於佢都可以去換衫喇~~~~ 佢今次用私伙野領 tie 黎影相呀~~~ 又幾好睇啵...不過成日甩銀粉...搞到佢一頸都係~~~哈哈~~~
因為阿B有車...所以 MC 提議去埋沙灘...咁我地就去左赤柱正灘...不過呢位攝影師口音不太正...講野一舊舊...諗野又一舊舊...又唔識教我地擺 POSE...我地兩個都覺得佢好搞笑...係笑佢傻下傻下......其實都想知道佢究竟係咪識影婚紗相......?! 又成日扮 pro 話同我地分享攝影藝術...但係我唔覺佢好 pro 喎...影過幾次相...覺得佢同阿 Tim 有得揮...哈哈哈~~~
佢黎黎去去都係叫我地鼻貼鼻...咀對咀...叫我地擺 D 好土既 POSE...我地兩個真係好頂唔順...做乜要成日做同一個 pose 啫?! 真係令人難明......哈哈~~~ 我地話比佢知想要D自然D既相...其實佢好似都唔明咩叫自然...但又扮晒野聽得明...不過佢都係照番佢自己既意思黎影...真係唔知佢想點囉.....
響沙灘其實無乜影到 D 乜野特別相...阿B仲打爆錶添...@@" 好快又話要走喇~~~ 有d似混吉~!!
我地襯 MC 聽電話時...就拎部相機出黎影呀影...好好玩~~~ 本來自己帶左條珠鍊黎...不過 Fairies 話去沙灘唔多 match...所以無用到...不過家下條頸又好似空 nel nel 咁...@@!!
仲玩埋自拍...真係自由自在...哈哈~~~鬼咩...都無助手幫佢監視我地!!
我地仲離譜到叫MC幫我地影合照...不過佢話只係會影一張...HAHA~~~我地都幾夠膽...明蝦佢!!
之後又比 MC 點左去舂磡角...呢度都幾特別...不過佢影 D 角度都令我地幾懷疑下...哈哈~~~~希望佢D另類觸角會令我地有驚喜啦~~~~不過都幾微下喇~~!!
阿B一有時間就幫我係咁影影影...好搞笑~~!! 佢影既角度好似仲好啵~~!!!
似乎阿B影得會好過佢...哈哈~~~
不過我地聽得最多既就係 MC 叫我地鼻尖對鼻尖...燴落去...哈哈哈~~~~~ 佢好似裝左機器咁...黎黎去去都係呢幾句...真係令人難明......又成日要人拎花球...擺既姿勢又奇怪...有點娘咁......我仲同阿B講...佢影到咁令我有D討厭個花球...唔係好想拎...HAHAHAHA~~~~ 真係諗起都好好笑!!
影完呢兩處就返去轉晚裝喇~~~!! 我要求 Fairies 幫我整淡d個眼影...實在覺得太濃喇~~!!
換左晚裝喇... Phyllis 同 Fairies 都忙住幫另一pair人整妝set頭...所以我地都幾 hea ...可以影下相...haha~~~ 晚裝 so sexy!!! 呢條裙既色影出黎又幾好睇喎...除左對手臂外...都著得ok丫...heehee~~~
我換完出黎時...化緊妝既另一pair係咁望住我...個眼神好驚喜咁...証明呢條裙真係幾搶鏡...哈哈~~~如果大日子時...我送客係呢條既話...d賓客會唔會唔捨得走...?! hahaha~~~ 連續兩條都咁勁...不過o個時又無咁大膽啦...影相就話無所謂...真係見人就好尷尬啦~~~ 條敬酒裙都令我擔心左好耐喇...嘻~~~~好懷念呢~~!!
唔知係咪公司規定呢...我每轉一次妝 & 衫就要企響度前後左右咁比佢影一張...@@~!!
搞惦之後就出發去卜公碼頭...凍到丫...好彩間中有陽光...不過真係好大風...有時都吹到影唔到呀~~!!! 響碼頭時...D途人見到我地都恭喜我地...好搞笑... congratulation...笑到我地丫...不過都好多謝啊...!! 影得真係好開心...!! 呢條裙真係值呀~~~~~
阿B其實都可以幫人影 SNAP SHOT~~~~ HAHA~~
個頭左右兩邊有唔同既感覺...好似都幾好咁... 因為之前見其他 blogger 影係無乜 set 頭...唔知係佢地自己要求定係咩呢?!
影完之後...再返去影美利樓...阿B一得閒又幫我影...都唔錯啵~~!!
最搞笑係一路影...一路都有途人拎相機出黎影我地...我地同大口仔大口妹影相時...仲有好多人圍住...大概有十部相機對住我地黎影...有d人仲拎住部 DV黎拍...場面好搞笑...!! 不過令我地兩個都好開心呢~~~
我第一次見阿B打煲 tie...都唔錯丫~~~~ 阿B著西裝真係好型~~!! HEE~~
響美利樓跑完最後一個 shot...今日就完成行程喇~~~!! 最後同兩位盡心盡力的小妹妹影番張合照留念~~~~ 真係辛苦晒你地啊~~!!!
當然要同好搞笑的攝影師影番張啦~~~哈哈~~~佢真係好搞笑~~!!! 睇下佢企得幾型就知啦~~~~嘩哈哈~~~!!!
總括今日既心情...真係覺得幾好玩...好開心...不過真係好累~~~!! 但係都值既...咁既價錢...咁多人服侍...又有靚衫著...仲遇到自己似明星既感覺...哈哈哈哈~~~~
沒有留言:
張貼留言