2011-04-03 蜜糖鬆餅~~~失敗篇 XDXD (J Cake C002)

今日無無聊聊揭書...見到個蜜糖鬆餅好想試下...又有齊所有材料響度...即刻開壇!! 

將D材料分開加入及搞勻~~~ 到呢一刻都覺得好簡單.......

而且無加多減少材料份量.......亦跟足吩咐唔係倒到咁滿.......

預熱170度...焗 20 mins...一路都有間中監察...但係開始有陣濃濃地既味...哎呀~~~   隻杯有少少焦左...... 開始見澎脹...但裡面仲係麵粉.......但表面開始好深色下...呢個時候就驚表面濃晒裡面都未得...所以搵張錫紙遮一遮先......

出爐喇...UM......好似唔係好得咁......同本書 D 色水唔同...哈哈哈~~~~

細細杯o個 d 好 d...不過個底仲係濕.......表面就已經好乾......係咪仲要焗耐d呢...?!  但係表面已經變成咁喇喎?!

大個o個d裡面係仲未得.......

決定再入爐焗多陣.......

試食左一粒...係唔好味的....哈哈哈~~~ 完全唔係鬆餅o個回事呀~~!!! 

焗多陣都係唔係好得......表面乾到丫...個底都係唔識熟咁...唔知問題係咪出自爐溫呢?!

不過因為阿B話唔太食鬆餅......所以....呢盤決定放棄喇~~~~!!!  不過我會再研究下的~~!!