2011-04-19 一家人聚首一堂

噚晚黃老闆返左香港...所以我地就約埋一齊陪佢食飯......大細佬而家忙於揍 bb ...所以無黎到~~~ 黃老闆一講起個孫就好開心...bb而家兩個月大...不過個 size 就好似六個月咁大...  手長腳長咁...大脾仔好多肉下...沖涼又好乖唔會嘈嘈閉...而家仲識引人笑......!!  家下d bb 真係好早熟啊...兩個多月就好似已經識野咁...大細佬sent左百幾張相比我睇...真係好可愛~~~ 遲d搵日去同佢玩下先~~!! 

黃老闆鍾意食中菜多d...因為可以飲啤酒...呵呵~~~不過佢好乖架...如果酒精多d 嗰d啤酒佢會自動自覺飲少d架~~~  佢飲酒仲好搞笑...成日要搵人同佢飲勝踫杯...當然我地只係同佢勝茶 / 水...唯一一個可以同佢對飲既係估都估唔到既~~~細細佬女友...咪睇佢細細粒咁...酒量簡直驚人...最記得o個次大細佬擺酒...班堂姪想灌新郎哥飲酒......細細佬女友就企起身話 : " 等我黎!!!!!"   個個當堂呆左...哈哈哈~~~ 佢地個個估唔到佢咁豪氣...最後搞到佢地知難而退...勁搞笑~~~

今晚見到細細佬...佢d皮膚敏感好番好多喇...佢六月生日...叫我到時請佢食 buffet...因為好耐無食過...當然得啦~~~!!!  食咩都請呀!!!  希望佢快d完全好番晒...因為個病都困擾左佢好耐...亦令我地擔心左好耐......!!  爸爸今晚好開心同我講: "細細佬好番好多喇...!!"  老爸其實真係好擔心佢...!!   

真係好感激阿Sa~~ 佢照顧得細細佬好好~~ 亦多謝佢陪響細細佬身邊支持佢!!  鼓勵佢!!   所以我好相信要睇清一個人既真性情...真係有三個方法...第一個係麻雀檯上...第二個係一齊去旅行...第三個係當遇到困難時......真係真性情會出晒黎的!!!   我就曾經響旅行時就遇到一位脾氣很差的伙伴... 平時無乜點...去旅行就變左另一個人咁...真係怕怕~~!  又或者係我縱慣佢...令佢覺得唔駛尊重我啦~~~

講番今晚...真的很高興...幾時都話~~~ 同屋企人 & 同朋友一齊食飯聚舊係最好既享受~~!! 

好好 keep 住呀...你得架!!!!      真係好耐無見過你既燦爛笑容喇~~!!

上次食飯有張 coupon 送...原來五位就送一隻金牌醬燒雞...!!  正!!!

細細佬話想食聖子王...所以 order 左五隻啦~~~~ 真係好大隻呢~~~

阿Sa 點既海蜇燻蹄~~ 另外還有每次必食的海鮮什菜煲~~~

海棠豆腐~~~ d 豆腐好滑丫~~!!

燒腩仔...今次幾肥下啵...要成日監察黃老闆有冇食到d肥肉...佢成日 "咋咋帝" 食埋架!!!  又話食少少都唔怕...!!  梗係唔好啦~~~~~

飯後...細細佬想食椰王燕窩燉蛋白...阿B又批准我都可以食...嘩哈哈~~~不過佢都食左差唔多一半啦~~~ YuMmY yUmMy~~!!!

今餐食得好滿足又開心~~~!!

黃老闆近黎至有興趣就係同我玩自拍...佢仲要即時比佢睇下影成點架...佢覺得影得唔好要再黎過架...仲叫我洗左唔靚嗰D...影得好就笑哈哈...極搞笑的認真~~!!  其實我爸爸都好貪靚架...鬼叫佢年青時都係靚仔一名咩~~