著迷彩裝的細細

之前天氣還涼的時候...細細因為剪了毛...所以比衫仔佢著...佢細個時唔太鍾意著衫...反而家下就幾鍾意喎!!  拎件衫出黎...佢有反應架...再問佢邊個架...佢會行埋黎...再同佢講要唔要呀...佢就伸個頭前黎...就咁就可以幫佢著喇...非常合作!!!    當然...天氣熱o個時佢啋我都傻啦~~~~

呢件迷彩迷你裙係 2007 年前...我同阿B去韓國旅行時買比細細既手信黎架...近黎細細好似瘦左先啱著~~~  

當阿B落左樓下花園整花唔帶佢去時...佢就會響門口度等佢...仲會坐立不安成日行去門口度聞下...佢好有記性架...好耐都仲記得佢等緊主人的......其實佢真係好乖架~~~!!

呢隻小狗...由細到大...扭計問我要零食...就會走入廚房門口扒響度....叫極都唔出黎...勁搞笑~~~仲要扮晒可憐咁...!! 

近黎小狗的尿尿很大味...唔知係咪因為轉左糧既關係呢?  而且仲飲好多水排好多尿呢...要去搵書睇先得......再觀察多一會......希望只是轉糧的原因......