2011-04-23 眼紅的細細

近黎屋企上網成日無拉拉斷線...而且仲要係我寫 BLOG 時段...即係夜晚大概11-1 呢 D 黃金時段...... 有時寫完咩都無晒...真係激鬼死我!!! 

終於忍唔住叫人黎睇下啦~~ 約左星期六下午黎整!!

小狗細細見到有外人黎...就超級興奮!!  捉住佢唔比落地就響度怪叫...仲好緊張咁嗚嗚叫係咁震...駛唔駛咁 high 啊?! 

見到師傅仔唔驚細細...仲撩佢玩添...所以就放番佢落地...真係女生外向無錯架!!!  一落地就跑左去人地度...扮晒 friend 咁撩人玩...痴鬼住人地...!!  仲要用最得意可愛既樣黎望人添呀!!!   喂~~第一次見咋喎~~!!  見親哥哥仔都係咁既!!  @@!!

終於診斷隻 moderm 就死火...所以換過隻比我地!!

兩個師傅走左之後...隻傻妹仲好似好唔捨得咁...響門口行黎行去呀!!! 

一聽到有聲就望向門口...慌死人地會返轉頭搵佢咁~~~~

等左好耐都無聲氣...佢就自己扒響度呆呆下~~~

近黎佢隻右眼仔成日都紅紅地...已經幫佢剪左 d 遮住眼既毛...不過都係間唔中就紅下...再係咁要買眼藥水幫佢滴了~~!!!

嗨~~~ 你眼紅邊個啊?!  唔得咁小家架喎!!  做人做狗都要大方 d 架~~!!!