2011-04-18 結婚1.5週年紀念日

2011-04-18 今日對其他人黎講只係一個星期既第一日返工日~~~ 不過對我地兩公婆黎講...就有少少意義的日子...呵呵~~~~ 很無聊的在數紀念日...無辦法...天生我係咁無聊思想又古靈精怪...嘩哈哈~~~ 就係我地結婚 1.5 週年呀!!! 

呢個特別日子梗係要搵處地方食下飯啦...雖然我地差唔多晚晚都一齊食飯...  咁就一於去遠d食啦~~~ 機緣巧合的情況下...我地獲得特別優惠去左一處睇到幻彩詠香江既地方食西餐~~~   真係超特價!! 

位於銅鑼灣一間 擁有180度維港靚海景的  Bayview Cafe ，已成為衛生署首5間認可之有「營」西餐食肆，提供健康衛生有營養之美食！

我真係好似鄉下人出城架...響人個招牌度都影一餐~~~ !!!  港女特質表露無遺呀!!!  又真係幾興奮架...!! 

 

坦白講...我地兩個食野比較實際...好少去d食環境氣氛既地方...一黎覺得食到局局促促...我地唔識平民又扮有 taste 丫嘛...二黎西餐講真我地又麻麻地......所以睇開我個 blog 既人都應該會知我地鍾意食 cheap 野......哈哈哈~~~~   食完咪又係會屙番出黎...駛乜咁貴去食呢食路呢?!   況且我地就算只係去大家鑊食個乜扒都開心滿足既人黎...呢個係我地既性格...唔啱聽既唔好插我~~~   thankyou~~ 

今晚我地過海食氣氛呀...燭光晚餐...哈哈哈~~~ 著 T-shirt 食既 ~~~!!   睇到餐牌...笑死又嚇死我地~~~$880...不過我地只係比左 $120~~!!!   唔平都唔黎食呀~~!!! 

二人海景燭光晚餐

是日餐湯
*
煙三文魚沙律 / 凱撒沙律
***
法式焗田螺
***
威靈頓牛柳
意式海鱸魚
香煎羊架
美式烤豬仔骨
卡邦拿煙肉意粉


五款選二款
***
法式燉蛋 / 木糠蛋糕
***
茶或咖啡
$880
加$20可轉為朱古力慕絲餅或心太軟

(要加錢既...no way!!!   )

紫色 highlight 左既就係我地今餐揀左既野~~~ 呢度環境好暗下...我後面仲有 d 藍光字係咁閃呀閃...餐廳內不斷播住 d 輕柔既英文歌......呢度得四張檯...感覺似 bar 多一點......

預早兩星期都 book 唔到窗口位添...不過我地點都唔放過坐低影影都滿足既個性...其實係我o者...阿B只係陪我顛......哈哈~~~ 個 waiter 極好...仲幫我地合照添~~~~ 不過可能佢心諗 : 呢兩個比國內人更有國內人既質素...哈哈哈~~~~

為我地既 1.5 週年乾杯~~~~~水~~~~~

因為太暗的關係...對於我呢d食之前乜都影一餐既人...就有點麻煩了~!!!  寫 blog 我鍾意圖文並茂架嘛...單講無圖睇滿足唔到讀者嘛...   阿B仲搞笑話早 D 帶埋電筒黎打燈...哈哈哈~~~ 我諗全間餐廳至無情趣都係我地呢檯 (除左隔離o個檯國內同胞之外...)...!!  人地個個都情話綿綿架~~~SwEeT sWeEt 架嘛...我地兩個就黎搞笑~~!!! 

呢度 D 服務都唔錯架... waiter 都好有耐性同我地講解個餐牌...雖然我地已心中有數想叫d乜.....heehee~~~ 但係我地兩個傻人...無拉拉又揀意粉...後黎先覺得笨左...點解唔叫豬仔骨啊~~~!!!  至搞笑係...阿B啦~~~無拉拉提我話意粉會飽D...又諗諗下又牛又豬好似好多肉咁......所以揀左意粉...講真...我地又唔係咁好意粉...唉...笨即係笨!!! 

<以下藍光圖片...可能會引致不安...請有心理準備才觀看...可能帶番個 3D 眼鏡會好D...>

先黎餐湯...好香的白菌忌廉湯...味道令我地有驚喜啊~~~~真係唔錯~~!! 

再黎個煙三文魚沙律...三文魚好味...只係有某隻菜偏苦...... 不過苦得黎我都可以食到只剩幾條...所以呢個苦可以接受...

法式焗田螺...田螺幾好味...個蒜蓉薯蓉又加左牛油...幾油下...好漏~~~

我地以為笨左既煙肉卡邦妮意粉...極之香呀...味道仲好好啵~~~~ !!!    唔錯唔錯~~~

哈哈~~~呢個至藍光既就係 威靈頓牛柳...原來係酥皮包住塊牛柳...食落又出奇地夾喎!!     呢個時候...我地已經幾飽下喇~~~~~!!!

不過我總會響個胃內搵到個位...再放甜品的~~!!

呢個法式焗蛋...味道唔錯呀~~~!!!!   特別係上面既焦糖...雖然我知做法其實好簡單...但係我鍾意~~!! 

另一個係木糠蛋糕...哈~~~我地一路食一路研究...同我地上次合作整既木糠布甸味道好似差唔多啊...又研究人地整到幾多層...哈哈~~~~ 呢個都唔錯...2/3 由我食晒~~!!!

整體黎講....餐廳地方雖少...但環境都算浪漫...海景不算好靚...因為始終有一些高樓大廈遮檔著...但係響鬧市中已經好難得了...

另外...窗框的設計也遮檔欣賞海景 & 幻彩...要刻意地看才可欣賞...o個兩檯訂左海景位既人...仲根本無乜睇到...哈哈~~~ 可能佢地只掛住望住對方...唔似我地兩個周圍望...哈哈哈~~~~

不過餐廳細也有好處... 廚師及 waiters 更易照顧客人...並保持食物質素.......

總括來說餐廳的服務、食物和環境已不錯...以我黎講...如果10分為滿分...我會給8分...這餐以$120來說簡直是超值的~~!!!

哈~~~至搞笑係...因為一入去已經比左張 coupon ...走o個時阿B問我係咪就咁走得...我話係...佢話係咪 : 拍下個籮柚就走得?!  比佢笑死我~~!!!

H a P p Y ~~~ H a P p Y~~~~~