2011-04-26 半圓榛子朱古力蛋糕

之前買既團購班又上堂喇~~~ 今次係同一個朋友去玩...我地今次行動係整 " 半圓榛子朱古力蛋糕 "!! 

呢間唯一唔好處係海棉蛋糕已經幫我地準備好...我地上到去只係打 cream ...左搞右搞...合成個蛋糕...滿足感無咁大......不過呢間整出黎既 cake 真係唔太甜...d 味真係幾好下~~!! 

呢個蛋糕其實最難在倒呢層朱古力槳~~~ 雖然我地們倒得都唔太平滑...但係已經算唔錯的了~~~

加埋白朱古力裝飾...我地兩個既作品就面世喇~~~~

一個係走簡約路線...一個係走藝術創意路線~!!! 

哈哈哈~~~ 就咁個別影相都無乜問題...不過兩個蛋糕一拍埋合照就笑爆咀喇~~~~

大家話似乜?!  笑到我地兩個丫~~~~ 所以我地將呢個蛋糕改左名叫 : BRA CAKE~~!!   

Bra Cake 的平面圖~~~

Bra Cake 的側面圖~~~

今次味道唔錯架~~~~ 連阿B唔鍾意食朱古力味既人...食左一啖都已經叫好味...因為裡面間中仲會食到 D 朱古力粒粒...口感唔錯~~ 又唔苦!!

入埋盒...搞惦...可以拎番去嚇屋企個男人喇~~~~~