2011-04-22 拉麵晚餐

星期五晚放工...落大雨...兩公婆去左大埔 shopping & dinner ...

去左買多包細細以前食開既狗糧...用黎溝而家剛開始食既狗糧...唔知咁樣會唔會對佢尿頻 & 尿尿大味有所改善呢?!  如果再無改善可能要帶佢睇醫生喇...嗚嗚~~~ 千祈唔好有病病啊小乖乖!!! 

話 shopping...其實係阿B買野唔係我...我而家好乖架...少左買衫呀~~~ 其實因為無乜睇啱... 

買完就去搵野食...可能係假期啦...度度都要等位...所以我地揀左間少人等D既...就係 " 美千拉麵" ...喎!!  原來用 credit card 有特價餐食呀~~!!

(1) 明太子雞翼 (呢個味道麻麻地...)

(2) 芥末蟹柳沙律 (味道普普通通...)

(3) 日式手造餃子 (呢牒最好味~~~!!)

阿B的蒜片豬軟骨拉麵...味道唔錯...不過我唔食得蒜片...食左會鼻敏感...所以呢碗一定係佢食的!!

而我呢碗係 " 全盛拉麵 " ...我唔知點解叫呢個名...碗麵裡面有隻蝦 (比左阿B食)...一個包袱 (比左阿B食)...幾片日式叉燒...半隻蛋...粟米粒...呢碗有紫菜的...一定會係我食...因為阿B係唔食紫菜的~~!!

仲有兩樽果汁...UM...飲左凍野添...!!   不過係奇異果汁...自己安慰自己有益啦~~~

呢個餐普普通通啦...下次會試第二 D ...!!