2011-04-08 心頭好

今日放工要走幾轉地方...好忙~~~!! 

首先去左德祥買 T 字扣...仲買左幾粒大珠珠,鐵線,tape等等...好似無乜野啱駛...搵日要去SSP搵布 & 睇下 d 貓公仔......

之後再去太子...約左 blogger 交收工具...搵日開工整下放低左好耐既咭仔先得......

終於忍唔住買左呢 pack 紙...實在太鍾意喇...!!!  另外買左Pack細紙...整咭我鍾意用呢d size 既 pattern 紙...Spellbinders 呢兩 set 睇中好耐...仲有三塊 embossing folder...好簡單既 pattern...貪佢實用d... 發覺越簡單既野整出黎先會襟睇d......

發覺之前入左d工具唔啱駛...又無用過...放響度好浪費...遲d會執一執 post 出黎...睇下有冇人會收留佢地...會好好用佢地啦~~~~有pattern紙...有punch...有clear stamp...

Seweasy d 野成日斷貨...Stitch Piercer 都係未有貨...不過 Tanny 教我...試下就咁用個頭黎玩...應該都可以的...!!  係喎~~等我試下先~~!!  但係我未係好識用......!!

好懷念跟 Vivien 學咭的日子...無錯上網睇 video 都會學得曉...但我覺得咁樣去學有點寂寞的感覺...有d道理唔係照抄個方法就代表學會......或者我比較笨......其實我唔知點講我想表達d咩...只是真的很欣賞老師對藝術的尊重和執著......亦很享受一班人一起學習的過程和努力......大概因為如此這般...近黎少做咭的原因...因為自己有點迷茫......不過我相信自己好快會再認清方向......

*** *** *** *** *** *** *** *** *** *** *** *** *** *** *** *** *** *** *** *** *** ***

之後去左二德惠買左d材料玩實驗...買左個手套...哈~~ 賞心悅目~!!

響什麼店買左個盤...想試整 roll cake 呀~~!!!  我鍾意食 roll cake...要努力搵下食譜先~~~~

無論整咭整 cake ...都係一項對自己的挑戰...每次看到製成品都會有一份滿足感...大概如此...人變得積極了......這改變應該是好吧...?!  當失敗了...我會諗番究竟錯在那裡...應該點樣會做得好......其實失敗左唔等如無得著...對嗎...?!  有時享受當中的過程更重要過結果......當然...得到別人的讚賞也是動力的來源...付出了...總會想有點點的回報...嘩哈哈~~~ 人...總有不同程度的虛榮...這種所謂的虛榮...也不是太過份啊...heehee~~~~

*** *** *** *** *** *** *** *** *** *** *** *** *** *** *** *** *** *** *** *** *** ***

為了身體健康一些...半年前開始少飲凍飲...近來都開始戒吃魚生類...不過噚日破了戒...破得好唔抵添...!! 

噚日 lunch 出左去沙田拎野...因時間關係...去左"思思縮埋"度買左兩個飯團黎食...要快丫嘛...!!  但係極難吃呀~~~!!!  ><"  所以咪話破戒得唔抵啦~~~!! 

塊紫菜好難食...有陣腥味...三文魚原來係鞋拾拾o個d...我仲以為係鮮三文添...燒雞ok...不過 d 飯唔得呢...硬到一粒粒趺得出黎...!!!  食完仲 un 心 un 肺咁...!!!  仲話 Tasty & Healthy...!!!   呢兩舊野仲唔平添呀...!!!  $16一舊架~~~~嗚~~~ 早d食燒雞沙律啦~~~!!!