2011-04-04 大細路節的晚餐

今日係兒童節...已經唔係兒童好耐喇~~~~不過都想佔下D節日氣息...所以我話呢日係大細路節...即係我呢D人老心不老又貪玩既人的節日...哈哈~~~ 唔好噓我啵~~!!! 

祝各位大細路...兒童節快樂呀~~~!!  嘩哈哈~~~  

今晚放工幫黃老闆去拎西褲...本來想響 "為慳" 買明午 & 明晚既食糧...不過行左一個圈都係睇唔啱...無乜好買咁...所以我地決定響新港城食完dinner...再去屋企附近康樂園間"泊街"度買~~!!

今晚響"千塞店"買左個 muffin 焗盤...遲d可以焗大 d 既蛋糕仔~~~

大細路節梗係要慶祝下啦~~~~ 講下啫...都係去餐廳食個是旦晚餐~~~

一紅一白餐湯...普普通通~~~

阿B既西冷扒...哈~~~佢話呢個餐...飯又唔好食...扒又唔好食...!! 

反而我呢個元貝三文魚意粉又唔錯啵~~~

之後兩傻去左康樂園"泊街"...選購聽日既食糧......哈哈~~~我居然三pack牛仔骨中揀左最肥o個pack...阿B黎到一睇...笑我: "你居然揀最肥o個pack...睇少你一陣都唔得...!!"  即刻換過pack...嘩哈哈~~~ 我人求其無乜所謂丫嘛...咪是旦拎pack囉~~~

兩個推住架車係咁買糧食...可能只係掛住講笑...就忘記左買應該要買既柔順劑 & 日用品...@@~~!!  又要擇日再去過~~~