2011-03-30 北海道牛奶布甸初試版

甜品實驗又黎喇~~!!   今次要試玩 " 北海道牛奶布甸 "...!!  材料一早已經買左...不過比屋企個男人勒令唔可以咁密咁整...加上近黎成日返學...所以到而家先開壇~~~!! 

首先又係量好晒 d 材料~~~

< 北海道牛奶布甸材料 >

北海道牛奶 350 g ...砂糖 20 g...雲尼嗱香油數滴 (隨意...可以唔落)...魚膠粉 5 g ...淡忌廉 150 g  (不過我有 d 多左有d少左...哈哈~~~ 我就係咁亂黎...如果大家跟足...應該一定會成功的...我的......暫時不知道...heehee)

鮮奶以細火煲至滾起...再加入砂糖...再加入數滴雲尼嗱香油...熄火...

魚膠粉用少許開水搞勻...用熱水座溶...

將魚膠粉加入已離火的鮮奶中搞勻...

待攤涼後加入淡忌廉...

用籬將奶過篩去器皿中...隔走多餘物質...

將奶倒至器皿中...先將表面的泡 (如有) 用匙巾 "畢"走...如果唔係凝固後會好醜樣...影響賣相架喇~~~

表面平滑...可以放入雪櫃雪至凝固...

三個用了圓樽仔...三個用了四方斜角杯仔...都係好的式得意~~~

六個制成品~~~!!  聽晚放工返黎試食...到時再匯報...

呢個甜品製作非常的簡單...而且加埋影相時間...唔駛一個鐘就搞惦...HEEHEE~~不過味道就仲未知......希望 OK 啦~~~~

如果呢個成功左...下一個甜品又整咩好呢?  有冇好介紹啊?  

 

學造3D蛋糕團購

3D 蛋糕好得意...不過見到咁多 cream 又好似好膩咁...而且要唧好多 cream ...少d工具耐性都唔得...想去學...不過又覺得自己功夫未到家...@@!!!

http://www.groupbuyer.com.hk/zh/deal/C_for_Cake_31032011

2011-03-30 是日特價晚餐

今晚本來想去 MENU  encore o個個雞翼pizza石頭窩飯套餐...不過阿B話佢好熱氣下...所以去左 "Double好粉麵" ...今日有酸辣雞翼米線係 $19 做特價 (加 $4有熱飲 )...啱我啊~~~!!  而阿B鍾意o個個鳳爪排骨飯都有特價 $28 (包豆漿)... 所以今晚我地既晚餐係好平...哈哈~~~$51 ...平過食 lunch~~!!!    

味道唔錯~~~~~

返到屋企比左包清熱號比阿B開水沖黎飲...佢話要雪凍先飲...認真熱氣都熱得招積過人...

為朋友的婚禮努力

今年係2011年...有位好朋友將會在 11月11 日同佢女友拉埋天窗...6 條 1 非常好記...其實上年已經知道佢會響呢日結婚...好開心我係成班朋友之中第一個知道...大概因為我剛剛搞完結婚...佢有好多問題問我...哈哈~~~ 當睇到佢響 3V 影既婚紗相...真係替佢好開心...終於大個仔喇...!!  之後佢去試馬褂...第一時間 sent 比我睇...真係好感動...佢居然肯著馬褂呢......嗚~~~阿B就唔肯著啊~~~~!! 

距離佢大日子仲有半年...而家佢地都籌備得七七八八...開始可以諗下將個婚禮細節點搞......

好開心佢邀請我地為他們做一系列的 DIY...好多謝佢對我地咁有信心...!! 

放心~~~我地一定會盡力做到最好的~!!!!  

< DIY LIST: >

(1) 姊妹大支票  (要等佢地既台灣婚照)

(2) 結婚証書套 (未有概念...從未整過...呢個係比較擔心既一項)

(3) 襟花 (有 idea)

(4) 手花 (有 idea)

(5) Photo Board (有 idea ...會利用有限既 scrapbooking 技術去完成...不過都係要等佢地既台灣婚照)

(6) Welcome Board (未有 idea)

新郎哥比左少少物資比我...隻貓頭公仔應該會用去手花 & 簽名筆度...因為佢地個 theme 係貓貓...不過 theme colour 未定好...新娘好似都係偏好紫色...咁就易辦得多~~~

初時男主角話比我知佢買左 D 貓貓公仔頭...不過好似好核突咁...我叫佢比我睇下先...見到真身...都OK丫...我襯過落個襟花度 (呢個係 JB大日子用既自家襟花)...大小都適中...用落手花 & 簽名筆都可以啊~~!!  至於襟花...唔知佢 D 兄弟肯唔肯用公仔頭呢?!  如果肯...就真正係好兄弟了~~~!!  

至於 d 小貓 figure ...我遂隻遂隻擦乾淨... 因為佢頭頂D電話繩生銹了...搞到好多銹色響D貓身上...用濕布抹唔甩...反而用擦膠擦得甩...哈哈~~~家下靚仔番晒喇~!!

不過我真係未有頭緒點用好...想用落去 Welcome Board 度...不過要點樣突出番佢地呢?!   um.......

2011-03-19 終於收到了大日子的相簿...haha~

上星期六 (19/3)...我地終於去左攝影公司度拎番本大日子相簿喇~~~!!!  哈哈~~~我地真係超級懶呀...成年後都先揀相比人...幾個月先覆人地個排版...終於搞到結左婚年幾先拎到本相簿...我諗都無乜咁懶又唔志在既兩公婆喇~~!!   

我地加 $$ 做多一本比黃老闆留念...因為結婚之後都無晒番 d 相比佢睇...哈哈哈~~~~丫~~都唔係既...之前做過一本細細地既比佢架...!!    即係用黎做掩飾作用的......嘩哈哈~~~

其實我地都無乜特別點執排版...只係調過下 d 上下次序...做出黎既效果都 ok 丫...起碼都紀錄到個婚禮大概情況......  我地都無乜所謂既~~~~

好多相之前都 blog 過下...大家唔厭過氣既話...可以繼續睇落去.......同我一齊懷愐下...   如果睇過又覺得眼冤既話...快d跳去第二篇 blog 啦~~~~   拿~~~ 我 post 架喇!!!  咪話無單聲呀下~~~ heehee~~~

 

*** *** *** *** *** *** *** *** *** *** *** *** *** *** *** *** *** *** *** *** ***

< 1018大日子相簿封面 >

< 男子組 & 女子組準備篇 >

< 男子組被玩篇 >

< 女家敬茶 & 出門篇 >

< 男家入門 & 敬茶篇 >

< 下午外影篇 >

< 晚宴近賓篇 >

< 進場 & 註冊篇 >

< 敬酒篇 >

< 與眾同樂篇 >

< 送客篇 >

< 相簿封底 >

大日子既所有項目應該已經完結晒喇~~~ !!  

*** *** *** *** *** *** *** *** *** *** *** *** *** *** *** *** *** *** *** *** ***

近日又要開始為一位...將會在 6 條 1 結婚的朋友做準備了....... 實在很開心...!! 

 

 

 

 

 

 

 

 

 

潮玩 2.5小時 Colour Jamming 一塊畫板 + 手繪立體陶瓷

 

$68 潮玩 2.5小時 Colour Jamming 一塊畫板 + 手繪立體陶瓷! (原價$318)

http://www.beecrazy.hk/hong-kong/deal/$68-instead-of-$318-for-a-2.5-hour-colour-jamming-experience-(20cmx20cm-canvas-ceramic-animal-to-pai

細則

• 開始生效 2011-04-01
  
  
• 到期 2011-07-10
  
• 每人可購買多張跟親友分享
  
• 不限兌換量
  
• 每個時段最多30人 
  
• 細畫布可補回$30差價換成 (30x40cm)畫布  
  
• 購買後請將以下資料: (1)姓名; (2)電話; (3)自選時段 及 (4)BeeCrazy 兌換券號碼, 電郵到 promo@colourjam.com.hk，Colour Jam 將會聯絡大家以作確認
  
• 條款及細則

賣點

• 2折優惠價
  
• 一塊畫板+ 一個手繪3D陶瓷
  
• 玩足150分鐘 
  
• 茶點及飲品 
  
• 圍裙/ 顏料/ 畫筆 無限供應
  
• 繪畫材料全部合符安全標準，玩得放心

詳情

以低於2折的優惠價，同班friend 或者一家人去Colour Jam，拋開每日繁瑣、刻板的生活，好好享受一下無束縳的空間。Jam 番幅畫再 Jam 埋個陶瓷，都係$68。即刻預約，放鬆一下!

 

只需$68便可享Colour Jam繪畫優惠如下：

- 20×20畫板1塊
- 立體陶瓷1個(羊仔/ 小牛/ 老虎/ 兔仔/ 豬仔)
- 2.5小時畫室場地
- 茶點及飲品
- 繪畫顏色及工具任用
- 每位成人可免費攜同1位小孩同樂 (原價$318)

誰人適合參加Colour Jam?

當大家提及繪畫的時候， 多數人的直接反應都是  “我不懂得繪畫!” 或者 “我連怎樣拿畫筆都不懂， 怎樣去繪畫!”。

Colour Jam的art-painting 為您提供一個平台讓您釋放日常生活中所面對的大大小小、各式各樣的緊張、 挫敗與壓力。 因為 art- painting 是沒有任何限制， 而且適合於任何人 (包括沒有繪畫經驗的大家)。 在繪畫的過程中，您會忘記所有煩惱，身心得到盡情的釋放。

在 Colour Jam，繪畫不在追求高超的畫功， 不在追求您有多少的進步空間或者您有幾多的創意。那里只是一個自由創作的平台， 令您的身心都可以得到一陣子的解放， 同時間可以透過不同的顏色與材料的配合充分地表達自己的內心世界。

您可能是上班一族、功課繁重的學生，或是有小朋友的家庭主婦。但無論您是何種身份， 都無阻您於Colour Jam得到樂趣與釋放。

請選定時段並預約:
星期一至五:  4:30pm-7:00pm/ 7:00pm-9:30pm
星期六: 11:00am-1:30pm/ 2:00pm-4:30pm/ 5:00pm-7:30pm
星期日: 11:00am-1:30pm/ 2:00pm-4:30pm