J & B 開心又無聊的生活點滴部落格: 8月 2011

2011年8月29日星期一

2011-08-25 Summer of Love Album (Lesson 1)

上星期四 (25/8) ... 又去左 Amor 度玩喇...!! 今次報左個全新的課程...叫做 " Summer of Love Album " ...好鍾意呢個名呀!! 哈~~~ 原來我地呢班係第一班上既呢~~~

哈~~今堂又踫到 d 熟口熟面的同學仔...而且仲同 blogger 相認...嘻~~~ 真係有緣了!!

首先又係要揀布揀 bookcloth...好多款式比我地揀...個個同學揀嗰 d 都好靚...我心大心細好多塊布...本來想試下整 d elegant d 既...不過總係覺得唔似我...到最後都係忍痛放下......而且呢本相簿我想放我們和小狗的合照...

最後揀左呢幅...多顏色好似開心d ......um...我發覺我次次都係會揀呢類款...!! 再有機會真係要作出一個大改變先得...!! 我要闖出呢個框框!!!

三個鐘之後...終於完成左個相簿外殼喇~~!! 今次又玩個拉釘工具...真係要好大力先得...!! 不過有少少愛上了它...好有作用呢!!! 而白膠槳已變得無咁可怕了...!!

揀呢塊布最好既好處係...是旦一個位 CUT 塊布黎放都得...大大節省左襯布既時間... 我唔駛阻住其他人既進度......不過中途我都有大出錯...就係塊布貼得太邊...唔夠位包去後面...好彩發現得早...而且我唔係塗太多的白膠槳...可以起番出黎...無爛!!!! um...總係每次都有驚險位...大概因為我真係唔夠細心啦!!!!

第一次同 D 同學仔既作品黎張合照...好開心!! 嘻~~~ 佢地全部都係走優雅路線...只係得我一個走低能路線...我要向佢地好好學習下先得!!

紅色邊嗰本係 Oli 即場示範既作品...好鍾意 Oli 教我地既時候會有示範...令到我地更加清楚要點做...好似我去學整蛋糕...我都係鍾意有示範的...起碼我知道大概係點樣...唔駛估估下~~!!

之前有d blogger 問我... book binding 值唔值得學......?! 會認為呢班好似唔夠其他 Album course 咁吸引.....?! 我可以肯定地答你地...真係好值得去學的!!!! (我唔係打廣告啊!! ) 學左呢班...其實對做好多 DIY 都有幫助的!! 特別係 d 想為自己婚禮做 DIY 的新娘子...可以運用學左既技巧去做 guest book...album...結婚証書套等等...!! 有朋友曾經對我講過...可以上網學...@@!! 有時我覺得...製作唔難...不過要手工做得好係最難!! 所以有d 技巧班係好值得去上的...我地一齊努力學習啦~~~!!! 不過唔好好似我咁懶...咁少作品出現啦~~~~ 好喜歡周圍去欣賞別人的作品...不過近來大家的作品似乎也少了...變得熱衷於購物多些...@@~~!! 實在出現太多的團購了...!!

好期待下一堂...今次我一定要響堂上完成一本完整的相簿!!!! 不過...我又唔記得去晒相了...!! 聽日又要去覆診...可能唔夠時間拎去晒喇~!!! 懶得黎又無記性...都係我既大缺點!!!

製作 iphone4 case

之前響團購買左個整 iphone case 的 coupon ...因為八月尾到期....所以響 17/8 就開始整左個圖比嗰間公司...!!

阿B就整左下面呢個圖喇!!

不過第二晚收到下面呢個圖...仲 " 請 " 我們確認......唔係嘛...?! 好明顯隻狗仔係主角啦...有乜理由幫我地 CUT 左隻狗仔個身呀?! 叫人確認都應該睇下過唔過到自己先啦~~!!!

之後再叫佢執下...佢又話我地要預留多d白邊比佢...其實佢唔可以幫我地更改既咩?! 講真...我地點知佢既製作方法呢?! 而家佢係要我地整好晒幅圖...佢地好似只負責印上個殼度咁...!!!

好啦...我地留多 d 白邊...之後佢send 番黎又係 cut 左少少鞋 & 腳......究竟要留幾多白邊呀?!

之後黎黎去去 e-mail...佢地都係有點求其...又唔會幫你放正中間...呢 d 基本野都做唔到!!!

最後我地費事煩喇...終於 26/8 就 confirm 左呢個圖...佢地收到後又無回應...都唔知佢地係咪已經整緊...呢間野真係做事求其!! 好無禮貌! 而且比人感覺好唔專業添...!! 夠膽死 sent 錯其他人個圖比我添...!!!

早d去快圖美整仲好...而且我剛買左 coupon 後...快圖美做 member 優惠呀...價錢仲平d呀!!!! 真係激死我!!!

以下呢幅圖係阿B 畫埋個殼比佢地...其實佢地睇到應該明我地想點整丫...點解唔可以做得好D呢?! 真係好唔明!!!!

而家等佢寄成品黎...唔知會搞成點...?! 就算有問題...佢地應該唔會理我地架喇!!!

2011-08-27 細細睇醫生

近呢幾個月...我們家的小狗的右眼仔成日都眼紅...時好時紅...幫佢滴左眼藥水又好D...近黎隻眼珠仲好似有層灰膜咁...真係好擔心...!! 而且我地測試過佢呢隻眼好似無乜反應咁......

終於上星期六 (27/8)... book 左睇醫生...!!

隻傻妹而家出親街坐車都好緊張咁...係咁掙扎...佢係咪因為隻眼仔睇得唔清覺得無安全感呢?!

一去到診所...細細已經係咁震...好緊張...一時坐在阿B隻腳度...一時又走黎坐響我度...之後見佢響張櫈度好緊張行黎行去......心知不妙!! 隻傻妹緊張到要去大大呀!!! 阿B即刻 " 的 " 佢落地...佢真係好唔客氣咁...當住咁多人面前表演 " 開大 " 呀!!!!

D 姑娘比左 D 紙巾...我就幫佢執 CC ><"...咁啱又輪到阿細見醫生!! 阿B就同佢入去...我就繼續執 CC ...疼到爆呀!!! 細細~~~你咁大整古啊!!!!

醫生話阿細年紀開始大...始終隻眼仔無以前咁好...灰左係正常的...不過佢有少少眼突的情況...所以開左隻眼藥水比佢...不過要拎出去出面D藥房配的!!!

未滴眼藥水之前...佢仲係好貪玩...係咁拎隻公仔黎撩你陪你玩~~~!!

夜晚...阿B幫小狗滴了右眼...佢好乖...唔會掙扎反抗.......由細到大佢都係好乖...所以我地更加錫佢...!!

呢兩日...佢都成日訓教...只係食飯時起身玩左陣......好彩佢又肯食野...不過胃口都好似無以前咁好咁...!! 佢而家唔係次次都食 D零食...其實都有擔心佢 D 牙仔...係咪已經無咁好呢?! 睇住佢訓教既樣...有點心醱......

滴左眼藥水令佢瞳孔擴張左...暫時睇野應該唔清楚...希望真係對佢有幫助啊!!!!

睇到小狗呢個樣...真係令我好心痛~~!!!

細細...你好乖架!! 會無事架!!!! 加油呢~~!!!

星期日下午...睇左無記播的 " 我和尋回犬的十個約定 " ...睇到我不自覺係咁流眼淚......十年時間原來真的很快過...!! 細細已陪伴我們九年幾了...在她心目中...只有我和阿B兩個朋友...佢真係對主人超忠心...!! 在我們心目中...她仍是小孩子...佢好活潑又嗲...每次帶她上街...很多人會主動逗她玩...真係好人見人愛......

不知不覺...原來她已經開始老了...其實我心入面一直有想呢個問題.......實在捨不得她~~!! 每次想到這裡就叫自己不要想了......她還是跳跳扎扎...開開心心...肚餓會吠你...去完廁所對眼會鬼鬼祟祟...間中偷下你的拖鞋黎玩...你食野時佢會扮無野咁搵隻手仔搭住你隻腳 (即係話比你知 : 我響你隔離...識做啦~~!!)...忘不了她小時候最愛和我睡在同一枕頭...近年佢已不愛和我們一起睡了...而且她開始睡眠時間多了很多...不知不覺她的身體機能原來開始退化了......這是我最不想看到的...!!

近黎小狗真的比以前更嗲...當她知道我地將會出街...佢會靜靜地坐在你附近...眼神好唔捨得...有時更坐在你隔離...用手仔抓吓你...示意想你抱佢...當我坐下時...佢會即刻坐在我對腳上面...點都唔肯再落地...!! 很多時不忍心即刻離開佢...會比佢坐多一陣...再同佢講今晚返黎先同佢玩...而家乖乖去訓教......我想她大概懂得我的意思...當我地出門時...佢唔會呱呱嘈...只係用急速的步伐跟到去門口...看著我們關門......其實...每次見到佢呢個樣...真係心都實埋~~!!

小狗細細...你要健康啊!!!!!