2011-08-12 細細下水禮

上星期五 (12/8) 放工後... 為細細第二日去 Studio 玩作準備 ...會帶幾件衫仔去...... 之前想買多幾件新衫比佢...不過全部都無佢 size @@!!  所以就響佢個衣櫃仔搵下啦~~~

哈~~~ 搵到一件係全新未著過既...就係早兩年我地去韓國旅行買比佢既手信...!! 

哈哈~~~ 著左成個功夫小子咁呀~~~!!  

之後我地帶佢落街玩...阿B響度整理花園...我再同佢出去停車場行下...點知去到轉彎位突然撲出一隻中型 size 的狗仔...黑蚊蚊睇唔清...嚇得我即刻抱起阿細...再睇真D...呢隻狗仔應該係見到細細想撲黎同佢玩囉...不過我未睇清楚本能反應梗係避開先啦~~!! 

呢隻狗仔其實都乖架...佢之後坐定定比佢主人鬧呀...!!    應該係鬧緊佢咁百厭撲人啦~~~

響停車埸跑左一陣...隻妹開始唔想跑...之後同佢慢慢行...叫佢返屋企喇...佢居然扯住唔想行...@@!!!  可能佢知道返屋企就要做佢最唔鍾意既事啦~~~ 就係 " 沖涼 " 喇!!! 

佢一聽到 " 沖涼 " 呢兩個字...訓左都責起身碌大對眼仔...個樣好搞笑!!!  我就成日整鬼佢...得閒無事就對住佢話 : " 沖涼喇細~~~!! "  佢就眼仔碌碌...笑死我~~!!!  (我承認呢方面我有點變態!!) 

玩完一輪就真係上去沖涼喇...通常都係由阿B操刀...因為次次我幫佢沖既話...佢係猛掙扎 & 係咁好可憐地 " un un " 叫...好似我湯緊佢咁!!!!! 

可能有次睇左 " 寵愛有家 " ...其中講狗仔游水......阿B就話唔知細細識唔識游水...?!  我以為佢講下啫......點知今日佢真係行動呀!!!!   阿細企響個浴缸已經係咁 " un un " 怪叫...之後仲係咁震...見到我仲用眼神叫我 help 咁......!!

阿B 係咁放水落浴缸...本來已經驚既小狗...聽到瀑布似的水聲仲驚多幾錢!!!  阿B話等佢適應下...係咁將D水慢慢淋上細細個身度...我見到真係覺得佢好可憐...但係又覺得好搞笑喎!! 

哈哈~~~ 可能個浴缸唔夠深...到某個位又會自動放水喎...所以小狗都唔可以游水...只係可以響水中 (掙扎) 漫步...!! 

細細第一次下水禮就係咁完成左...嘩哈哈~~~~ 阿B仲好衰呀...細細行近我地就推番佢去遠D...等佢係咁行黎行去都上唔到岸...我地就係咁哈哈笑~~~~!! 

細細~~~好唔好玩啊?!  下次去完街又玩過好無?!