2011-08-07 朋友的姊妹剔名筆完成

噚晚 (7/8)...好彩無記做 Miss HK...令到我無無聊聊...所以就無拉拉走左去整朋友婚禮既野~~!!  (真係好無賴...明明要趕工...但係仲懶懶閒咁...!!    家下仲話無拉拉!!)

近呢好多年... D Miss HK 真係無乜邊個令人印象深刻...個個差唔多樣...!!  我地又懶得轉台...因為阿B同緊二伯有野傾緊......

所以我無得坐梳化...唯有坐近工作檯.......咁整乜好呢?!  檯面放左幾支原子筆...就整 " 姊妹剔名筆 " 啦~~!!   究竟咩叫 " 剔名筆 " ...?!  就係我覺得姊姊著得咁靚...無理由坐 reception 時求其拎住支 Zebra 響度剔人名架嘛...!!  梗要整 d 靚靚地既筆比佢地揸住見人啦~~!! 

好耐無用過熱溶槍...有點手忙腳亂...  第一支整得勁樣衰...好彩之後幾支好番D...

hea 下 hea 下咁整左幾個鐘...唔知點解整整下...我無拉拉係咁打乞痴...最後仲大傷風...真係勁搞笑...!!  近黎我都係成日係咁打乞痴...仲要打唔停...又要大大聲...!!   阿B成日笑我 嚇 " 親人" (即係佢) & 嚇 " 家人" (即係佢同細細)...勁搞笑~~!!   其實我都唔想嚇你地架...嘩哈哈~~~

其實整得唔太滿意...不過係咁打乞痴...唔想再研究落去了~~~!!

用左深紫 & 淡紫色大玫瑰...新娘子鍾意呢隻玫瑰呢~~!!  每色整兩支...有四個姊妹...每人一支唔駛爭...!! 

意外地又完成一項了...!!     下一步就整個人情箱~~!!

*** *** *** *** *** *** *** *** *** *** *** *** *** *** *** *** *** *** *** *** *** *** *** ***

新娘子揀左 証書套 入面張相喇...仲揀埋姊妹大支票張相喇........!!  某人...你幾時開工呀?!  嘩哈哈哈哈哈~~~