人情箱半成品

上星期完成左姊妹剔名筆後...就開始整個人情箱...

心目中一早已有草稿...想整一個可以放在reception收$$又可以用黎裝飾嘅！ 即係懶係好似周星馳007套戲咁...達文西話 : " 呢個箱表面係一件裝飾品...但其實係一個人情箱 " 囉...  而且我覺得個 reception 可以有 d 野睇咁...雖然到時可能無乜人留意到... 

早前在什麼店買了一大一小的盒子...在文具店買了兩張紫色皮紋紙...開工了!   做一層又好似太單調...所以決定做兩層...!!  呢個其實都係參考外國網 idea...唔係我自己諗出黎既 ...  不過上面 d decoration 絕對係我出品...

不過響我做了一半時...新郎哥話比我知...佢地已買人情箱...即係近黎好多 blogger 用的透明有鎖...之前全個 yahoo blog 熱賣淘寶團購那款...!

既然開頭了...就繼續做下去吧...我同新郎哥講...唔用黎放 $$ 都可以用黎放 reception 做裝飾...當然最後梗係主人家決定用定唔用了...嘻~~

首先響兩個盒度 cut 個 window 出黎...我發覺屋企係無短間尺...得把12吋長間尺放唔到入蓋內度住 cut ...所以我要徒手 cut 直線...!!  平時用間尺都會 cut 斜既我...今次徒手 cut 又直喎!!   我都覺得自己成日都唔多正常~~!!    真係估我唔到!!

我們家的痴情小狗成日走黎痴身痴勢...引人注意...其實佢想我同佢玩呀...做緊正經野呀...唔玩住喇!!    乖乖啦~~~!! 

之後佢仲越坐越近...最後索性坐響我前面...仲擰轉黎無奈咁望住我...真係比佢吹脹呀......  咩事啫?!

佢好搞笑架...扮晒無野咁...同佢講野又唔理我...不過轉頭就坐下近d咁...  真係想唔鍾意佢都唔捨得呀~!!!

細細~~~你好悶咩?!  去搵阿B陪你玩啦~~~~~ 咩話?!  佢玩緊 iphone 打緊機???? 

因為個盒唔係想要既顏色...咁梗係又要同白膠槳玩遊戲啦~~~!!  好快個盒就由橙色變成紫色喇~~!!  盒都要黎個變身 chok chok chok 呀~~!!  今次有個挾痴珠仔快好多...!!  

我就係做到呢部份先知道主人家已買人情箱喇~~~~   咁梗係繼續落去......

以下呢兩個係模擬樣...其實上面d野全部都未痴實...heehee~~~

佢地屋企有三隻可愛貓咪...同呢三隻差唔多色...我響九龍塘轉地鐵時響 iroiro 度發現佢地架...我覺得可以響佢地婚宴中出現...應該會幾有意思...  而家我仲諗緊響個心上面整唔整埋新郎新娘個名?!  定係整第樣黎代替個心呢?! 

不過呢個都係初稿...應該仲會加多 d 裝飾落去......過幾日就會 KO 埋佢喇!!!

其實個箱下面個盒我唔打算痴實個蓋...因為可以方便拎番 D 錢出黎嘛...嘩哈哈~~~ 入席前只要將 D 人情拎番出黎收埋就得喇~~!!  咁就神不知鬼不覺啦~~~~我意思係主人家拎呀...唔係 d 賊仔拎呀...!!   不過 d 人唔會以為係意見箱架可?! 

整左出黎...原來其實都幾大個...我仲拎左屋企 D "吉"既人情封黎試玩...睇下入得暢唔暢順...見住佢地 " sir " 落去...好好玩...哈哈~~~好無聊~~!! 

諗起自己結婚時...只係求其比左個"商務印書局"既膠袋比細細佬黎裝人情...真係諗起都笑爆咀...我仲好記得佢同女友兩個 O 晒咀既樣...猛問我無個好D既袋黎裝咩?!    我呢個新娘家姐真失禮...!!

家中位男人~~~ 你打完個 iphone game 未?!  睇黎都係要叫公司位光頭同事咪咁落力打分...等我家的男人可以暫時停下...可以開始專心幫手整下姊妹 Cheque & Table card~~!!! 

完成左呢個箱之後...應該要開始整襟花手花了.......至於賓客簽名筆...因為驚開封後會乾...所以會留待最後先整...!!  希望十月前可以 KO 晒所有野...!!