上星期四 (18/8) ...去左菠蘿雞度學手縫啪啪包...即係口金...原本有朋友一齊去的...亦都係佢話想玩...不過我問晒資料格晒價...最後佢話貴唔玩 @@~~~!! 呢間已係係最平的了...佢話想去工聯會學...不過後黎知道響香港仔返...仲要返 Sat ...返十堂...咁遠......!! 佢最後決定唔學~~!! 所以我自己去左玩了~~!!
其實識我既朋友...一向知我除左唔太識煮野食...另一大忌就係針紙...!! 響屋企...穿針呀...聯衫呀...通常我都會叫阿B幫我...佢次次都會笑問我 : " 家下你係女人定我係...?! " 哈哈~~~ 咁我比機會你認下叻啫~~~!!!
睇怕我呢兩樣野禁忌太深入民心了...所以我話煮野呀整野食呀...佢地都會好大反應咁...好似有咩大事發生......噓~~~ 我都識識地架...唔做之嘛~!!
今次又黎一次嚇人之作...就係佢地諗都諗唔到我會玩針紙~~~~嘿嘿嘿~~~!!
全班只有三個人...相信我係最弱既一個...佢地仲會用衣車...!!! 我連穿線都有點困難...個打結位我仲學極都唔識...而家整完都係未掌握到!! 嘩哈哈~~~ 針紙看來真是我的煞星!!
或者因為我有一位好媽媽...佢簡直十項全能...!! 屋企所有野上至針紙...下至拉電線 & 換燈泡...都係佢一手包辦!! 我爸爸即負責媽媽的弱項 : 煮飯整餸!! 我和兩位細佬就負責玩和食...!!
所以自細都係乜都唔識...因為咩都有人照顧...大個就變左只係掛住玩的開心港女...嘩哈哈~~~
今次玩針紙...單係將 d 布聯埋已經搞到我成身汗了~~~!!
好唔容易先聯好晒...真係要好好記住呢個歷史性時刻~~~!!
上個啪啪係最難...我隻手指好痛呀!! 可能唔識用力啦~~~ 聯得核核突突咁~~!! 但求唔甩出黎就已經過關了...!! 哈哈~~~
經過兩個幾鐘頭...我人生的第一個口金啪啪包終於完成喇~~~!! 多謝導師成日幫我穿線 !! 哈哈哈~~ 相信我係佢地教咁耐...第一個咁蠢既學生...連基本既穿針都唔識!!
最上面嗰個圓波點係導師既作品...另外兩邊嗰兩個係同學仔的作品...佢地 d 手工比我好好多架~~!!
菠蘿雞的非賣品...好得意啊~~!!
今次呢個口金課程雖然好緊張...不過真係好好玩...睇住件製成品...真係開心左幾晚~~!! 因為...針紙...原來我也可以~~~!! 我太易滿足了~~~!!!
你都整得好靚呀~
回覆刪除[版主回覆09/02/2011 00:27:00]多謝呀...!! 其實近睇縫得唔靚...針紙呢家野真係我既煞星...到而家我仲未搞好穿針呢部份....><"
都話你叻o架喇, 你肯做, 肯定無野難到你~~~~
回覆刪除[版主回覆09/02/2011 00:27:00]呢家野對我黎講...真係好難!!!!!!!!!!!!!!!
請問係在那裡有得學... 學費又貴唔貴呢... ? 我平時一個人無地方去, 年紀大開始想搵D0野學0下... :)))
回覆刪除