灰爆~~~ upgrade 唔到個 blog 呀!!!

近黎有些 blogger 已 upgrade 左個 yahoo blog...我發覺入唔到去留言...@@!!  本來都諗住遲d 由 yahoo 自動升級唔駛煩了...不過總係覺得有 d 奇怪...我好似未見過有地方可以按入去 upgrade / 試玩既?! 

我有試過多手按下了解詳情...不過出現左個 "有點小問題的提示"...心諗...唔駛問我都夠 13 啦~~~!!!  即刻按 "確定" 唔駛諗啦~~!!! 

點知...只係出左呢個版面...本來都唔奇怪...但我發覺其他 blogger 都係出現呢個版面...但係左上角就唔係出呢句呢~!!! 

根據Yahoo! 兒童保護政策，未滿13歲兒童不可以使用Yahoo! BLOG。詳情請參閱服務說明

但係我記得我好少唔打真實年齡的...除非......當時意外按錯了...!!    好彩而家發現得早...唔係到時無左個 blog 都唔知乜事呀!!

究竟我入左幾多歲呢?!  哈哈~~~~ 我真係覺得自己好搞笑~!!  咩烏龍野都會出現響我身上.......

問左 blogger Florence ...她都遇到同樣的問題...幸好她的 blog 很詳盡...原來都有方法可以更正...不過要上 yahoo office 辦理...咁都好d... Florence 好好人... 話比我知要先填表格的...咁我又上去搵左一輪...填左問題正等待回覆...!! 

不過我都係滿腦子問號...究竟我係咪真係未滿 13 歲呢?!  所以又在 yahoo blog 上爬文...終於在 blogger 阿雪琪 看到 yahoo 的電話.......謝謝啊~~!! 

終於我直接打比 yahoo 詢問... 接電話的 吳先生 非常好人...!!!  好快幫我 check 到...我係唔夠13歲...!!!   我仲笑問佢...咁我即係而家幾多歲呢?!   哈哈~~~ 佢話比我知...我係 2000 年出生的!!!  佢都忍唔住笑呀!!! 

而家唯一解決方法係去佢地 office ...出示身份証就會幫我用人手更改...!!  不過佢地既 Office Hour 係 : Mon to Fri 9:00 to 18:00 (Lunch hour: 1:00-2:00)......OH~~!!  要請個半鐘頭假去改呀!!!!  嗚嗚嗚~~~~

為左個 BLOG 既將來...無辦法啦~~~!!  鬼叫自己失手咩!!! 

為左大家將來仲可以黎探我...睇我發 up 風...!!  我決定今日就去搞搞佢...因為佢話到九月尾就會自動 upgrade 晒...即係我個 blog 既壽命會隨著我生日的月份來臨而結束......!!    真係送份大既生日禮物比我咁喎!!! 

我九月實在唔得閒去呢!!  而且為免中途又有咩波折...都係襯而家簡簡單單去搞左算了~~!!  最搞笑...阿吳生叫我記住帶身份証~~~!!