兩個星期前...突然醒起...Majesty 明明話一個月比到排版我地...唔經唔覺差唔多兩個月了...終於打電話去問... 不過阿 Yen 就放左假...第二位小姐話幫我 check 下再覆我...但係又等左幾日都無左件事.....又忍唔住打去問下...阿 Yen做緊野...接電話位小姐又話幫我跟下......不過我話之前都有位小姐話幫我跟...最後都無覆我... 哈~~~ 佢話嗰個可能係佢...而佢係老闆娘~~~ 笑鬼死我!! 佢最後都同我講唔好意思...會儘快比我~~!! 態度絕對好~!!
其實由 join啦揀衫啦到影完至揀相...其實整體態度都幾好...又無 hard sell 過我地...我地仲係主動 upgrade 相簿...不過就無再加相... 38 pcs都夠了~~!! 可能我地都係志在玩下...同埋d相又唔急... 所以以咁既價錢玩左咁耐都幾抵~~~
上星期六 (30/7)...阿Yen打比我...話已經 send 左個 file 比我地...不過見我地未覆...heehee~~~ 其實已收到差唔多一個 wk...之前係叫我地 28/7 前覆的...不過我地兩個都無左件事...!!
收到既排版都係普普通通...而且 d 相係一張都未執過的...!! 已經唔係好記得揀過d乜了~!!
不過我地噚晚就極速改簿咁...求其改左 d叫佢再執下...唔知幾時又有新排版睇呢...不過都唔係改左好多野~~ 希望佢幫我執下對眼就好喇~~~ !!
排得好死板咁~~
太多空白位~~~
呢板總係怪怪咁......
D 相好濛又細~~
一有相框就好似好怪咁~~~
CUT 左我隻大口仔~~ 帆船原色淡淡地...好過而家好似搵顏色筆畫番出黎咁......
總係咁多框框既?!
要Cut 左舊樹頭~~~
太多黑色地方.......
呢三張細相會飛去第頁度~~
因為我地唔係俊男美女...所以都已經幾滿意了...嘩哈哈~~~~ 享受過程實在D...!! 我地都係志在去玩下~~~ 話唔定...出年又有機會又可以影啦~~~到我地變左公公婆婆時影又會有另一種感覺啦~~~嘩哈哈~~~ 會唔會有人想殺我呢?!
經過咁多次影婚紗相...等出黎既結論係好玩又好累...!! 第一次睇有驚喜...不過最後D相都會係一樣...留個紀念不錯...係一個相當不錯的美好回憶~~!!
黎緊有機會影我地兩人一狗的傻B家庭照...又可以帶細細去玩喇~~~~期待~~~
你地影得唔差 不過排版真係無乜誠意
回覆刪除[版主回覆08/10/2011 12:34:00]d 排版真係唔係好得...求其塞晒 38 張相落去就算喇~~
上次打過黎催我...不過 send 左比佢又無反應...真係唔知佢地想點~~!!
哈哈.. 影相會上引的.....你知點解我成日影呢... 我要收身.... 收先再影...好似好耐無影喇.... kaka~~~
回覆刪除[版主回覆08/10/2011 13:46:00]不如我地平平地買張團購既...
一齊去影一輯 "十年朋友"丫~~~~
我覺得一定好好玩呀~~~~!!
好提議喎... 有無團購呀, 一齊去玩丫~~
回覆刪除[版主回覆08/12/2011 16:23:00]等我留意下團購先...
通常二百蚊左右都有架...不過唔包化妝...
而且響影樓影...無乜佈景...平平地黎試玩都 ok 架...
我聽日帶隻狗仔去影呀...嘩哈哈~~~~