上星期三 (10/8) ...又約左一班朋友一齊去學整 cake ...呢個團購班...我地三月已經買左...不過一直都 book 唔到...一係打唔通電話...終於七月頭...我見佢地又賣 coupon ...就再打去問佢地...我地張 coupon 就到期喇...佢先話原來我地可以響 22/7 打去 book八月份任何一日...任何一款蛋糕......早講嘛...!!!
終於 book 左呢日去整紅豆綠茶蛋糕...點解揀呢個蛋糕?! 因為見佢d圖無乜好揀...而且有兩個唔好朱古力...兩個唔好芝士...所以就揀呢個~~!!
上到去...我地個個 O 晒咀...呢間個環境超級唔得!!!!! 始終覺得整野食既地方應該要乾淨企理囉!!
團購課程都有"瀨"野既時候...哈哈~~我地今日返學既地方超" up dup"...
可能因為之前一班仲未落堂...地下檯面都係餅碎 cream 等等...阿SIR又勁搞野...成日走左去洗工具...@@!! 嗰一刻覺得佢似洗碗阿叔多過似識整餅囉!!!
仲有...我地呢班八個人...居然係整3款唔同既蛋糕...真有點擔心阿SIR係點教......阿SIR仲問我地點解整紅豆綠茶蛋糕...佢話唔好食架...!! 叫我地揀過第二款黎學...真係夠搞笑...第一次可以即堂轉蛋糕款!!
阿SIR係好搞笑...但係教整蛋糕既方法就麻麻地...對D食材&工具又求其...!! 不過臨尾見佢做批盪蛋糕時...D手勢真係快靚正...當堂加番佢唔少分...!! 總括黎講...呢堂係得啖笑既堂...基本上係無學到野的...!! 我地一致認同係"瀨野堂"~~
就係因為阿sir既搞笑...我地成堂就充滿笑聲......一班人嘻嘻哈哈開心左成晚...
阿 sir 讚我地四個寫d字有心機又靚呀~~~
我地四個既作品...個蛋糕款幾靚既...!!
呢個係我寫既牌~~~ d 字都係似用塗改液寫...
第二晚同阿B食左喇...都唔係唔好味既...不過我地唔太鍾意食朱古力啫......
丫...仲未講呢個蛋糕咩名堂添.......係 " 朱古力三重奏 " ...不過唔知點三重法?!
間野教得好唔好?
回覆刪除[CW163回覆09/23/2011 14:38:25]Oh....too bad~
[版主回覆09/22/2011 15:06:10]教得麻麻地...有點求其!!