2011-06-18 銀黏土吊飾班

大家又要坐時光機了...  準備好未?!    

回到 18/6 的星期六 ...我地兩個又過灣仔玩銀黏土...今次都係團購體驗班...不過就同上次係唔同公司舉辦...!! 

上次學過銀戒指...所以今次我地就揀左學吊飾...阿B仲已經諗定整咩添...我呢個懶鬼就求即興...到時先算...!! 

上到去上一班戒指班都未落堂...勁多人呀...成廿幾人一班...似乎太多了...導師能應付到嗎?!  經過上一次學習既經驗...整銀黏土好多時都需要導師的幫忙...如果咁多人...導師究竟幫得邊個呢?! 

真係有點擔心...而且呢度 D 人大多負負氣氣...UM...印象相當麻麻囉~~!!

終於到我地上堂喇...好彩學吊飾的只係得五個人...咁都好D...

阿B本來想整四葉草的圖案...不過導師又話驚佢會斷...呢樣嗰樣咁...其實應該係因為個圖複雜D...佢根本唔想教...而且呢度既工具都唔見得夠齊全...... 

我響參考書度見到星星的吊飾...襯番我上次學隻戒指...我呢個圖真係懶鬼圖...簡單過唔簡單...!!

經過一輪用泥膠練習...導師開始催促我地要快D開始整喇!!!!  哇哇哇~~~ 都未得...!! 

從未見阿B咁無奈...佢好耐都未開始正式整...因為導師成日話咁又唔得...咁又唔得...直接打擊佢既信心呀!!

終於要將佢既圖大幅度修改先得...不過都唔係當初既構思啦~~~ !!

而我呢個懶鬼...呢個吊飾係零難道呀!!  只係壓平至唔太圓既圓型...用模具壓一粒星出黎...再輕力壓第二粒...再修補下 D 紋...又可以拎去烘乾喇~~~~啦啦啦~~~~

首先拎去烘烤先~~~

話咁快...只係燒左 5 mins...我同另外三位同學既作品燒完出黎喇~~~

阿B亦開始幫佢既作品打磨...

用鋼絲擦擦完...呢件作品有點求其...!!

阿B的四葉草最後變成咁...哈哈哈~~~~ 因為導師唔比佢整四片心型呀...話驚會燒斷喎!!!

拎埋上次隻戒指出黎先...HEEHEE~~~ 一 set 星型呀!!!

對於今次既學習...真係有點失望...呢間既導師相當麻麻...!!   佢地大概認為咁平...有得比你玩就得啦~~~~ 仲咁多要求!!   咁黎學野...梗係想盡量整好d啦...我地既要求唔係太過份係咪?! 

都係上次團購嗰間公司好啊!!! 

 

相關閱讀:

2011-06-05 銀黏土戒指班 (遇到一位好導師)