早響3月買左兩張團購影寵物相...5月尾先醒起未 book ...終於 book 左8月頭影3個鐘...呢間都 ok 呀... $198 影 1.5 hrs...所有相會抄番落隻 disc 比番你...我買左兩張...所以就影 3 hrs 了...其實本來應該係分開影的...不過唔記得 book ...而張 coupon 8月尾到期了...所以要一次過用啦~~~!!
初時以為柴灣好遠呀...不過由大埔屋企揸車去都只係 1 hr 左右...期間只是行錯路又發生了一段小意外插曲...差d夾親細細隻手仔...嚇死我地...!!
不過上到去 studio 都係 1:20 左右... 兩位工作人員仲食緊飯...終於大概 1:35 開始影了~~!!
呢度 d 器材好 pro 呀...不過就無乜道具提供...我地都無乜帶道具去呀...懶丫嘛!! 只係帶左幾件衫仔 & 細細 d 公仔朋友去咋~~~!!
等緊既途中...我地響化妝間玩影相...!! 其實等待時間都幾長下...每影一 part 就要等揀相...即 print 相...因為包左 16 張 4R 相...唔明點解唔影完先揀 @@!! 就係因為咁...我地隻小狗就悶到開始眼訓啦~~~!! 影到後期...佢坐響度訓著左呀!!! 攝影師都比佢笑死呀!!!
呢張係佢等影第二套衫時影既...仲係幾精神...不過唔太鍾意架相機係咁 "卡擦...卡擦..." 佢好多張都濛左眼呀~~!!
呢輯相小狗細細既單人相好少呀...因為佢好想訓啦...而且攝影師可能唔太識影狗仔沙龍啦...又或者佢想我地同小狗多 D 合照啦~~~
影到最後一套衫...等緊既時候...小狗都已經無我地咁好氣...好唔客氣咁跳上梳化訓教去...仲開始扯鼻汗呀~~~!!
你地睇下佢訓得幾舒服...叫都唔醒呀~~!!!
終於影完...佢個樣勁攰呀~~~!!
呢位就係幫我地影相既攝影師喇~~~~ 雖然等待仲多過影既時間...不過都多謝你令我地一家玩得咁開心...哈哈哈~~~
而呢一位就係間中出下主意...又匿埋一邊訓教...而細細又成日跟住佢既工作人員!!
雖然今次既相影得算 OK ...不過細細好多都係合埋眼...真係極搞笑又無奈呀~~!!
好彩...下個月還有一次...嘩哈哈~~~~ 係咁密集影...應該會有幾張滿意掛~~~!! 不過無都唔緊要...大家一齊玩既過程真係好開心...!!
*** *** *** *** *** *** *** *** *** *** *** *** *** *** *** *** *** *** *** *** *** *** *** ***
話說去到柴灣時...發生的意外小插曲係......
因為要搵路...所以泊左埋一邊睇 "菇 go map"...阿細細近黎成日坐親車都呱呱叫...成日想要坐去阿B個司機位...全程車就係咁掙扎...吼準機會跳過去...!! 好似我搣佢 pat pat 坐得唔舒服咁...!!! 真係比佢激死!! 叫極都唔聽...掙扎左成個鐘唔攰就有鬼啦~~!!
當佢又想飛樸去阿B個位時...佢隻腳仔就跴開左個放杯架...咁阿B就好自然咁按番埋...點知就夾住隻小狗腳仔!!!!! 嚇到我地兩個丫...隻小狗又響度好驚咁吃吃吃係咁低聲 un un 叫...幾驚夾斷佢 d 腳指呀!!!!!! 阿B捉住佢隻腳仔時...小狗就本能地咬阿B隻手指...搞到阿B都丫丫叫!!!! 嚇死我!!!!! 
終於整番細細隻腳仔出黎...好彩只係 cake 住 d 腳甲...只不過小狗太緊張 @@!!
不過阿B就慘啦~~!! 比阿細豬咬到手指流血呀!!! 睇見都心痛...仲腫腫地!!! 真係手心又係肉...手背又係肉呀!!!
沒有留言:
張貼留言