2011-07-10 展藝銀黏土 again

時光機由六月去到七月喇~~ !! 

今次見到展藝有出團購課程...叫埋可愛舊同事...一齊買 coupon ...一齊又去玩了!!

上課之前...比左個網頁舊同事睇...佢話呢個 Miss 好似 Pro d...哈哈~~ 呢句真啊!!

今次又響葵涌上堂...我第三次見 Miss 喇...上次都有跟佢學拚貼呢~~~非常好人!!  哈~~~ Miss 都認得我同阿B~~!! 

今次我選擇做鎖匙吊飾...因為成品比較大件...所以要由 7g 加到 10g...

而阿B都係整戒指...而艾文妮就想整一對戒指...所以佢都係要加 g 既~~!!

我地首先又係用泥膠黎練習...艾文妮同學好有心機...!!  佢要整一隻比妹妹呢...真係姊妹情深啊!! 

呢隻就係我個吊飾既初稿喇~~~

我地既作品都差唔多完成...可以拎去烘乾喇~~~

大家做到呢部份都仲係無乜大事發生.......

阿B既戒指兩面都唔同紋的~~~

呢對就係艾文妮既蝴蝶結對戒喇...喎?!  點解其中一隻會少左對腳既?!  咪係佢唔小心整斷左啦...好可惜呢~~~!!  佢第二次整咋...已經整得都幾好呀!! 

佢呢對戒指真係多災多難...另一隻響刻字過程中...斷左!!!!!!   幸好有位同學仔剩左D黏土...Miss 幫佢救番呀!!!   好彩係遇到呢位 Miss 咋...如果係灣仔嗰間...一定唔會理你呀...仲會係咁哦你做乜咁咁咁!!!  哈哈哈~~

阿B的完成作品...佢整得唔錯啊!!!  佢係我地三個中至無問題嗰個!!

 

至於我既鎖匙吊飾...係咪都唔錯呢?!  其實佢差D無左個開匙位呀!!  因為我在打磨過程中...大力擦甩左呀!!  但係作品已經燒好左...咁點算呢?!  好彩 Miss 位男朋友搞到一舊黏土比我...Miss 幫我再整番個匙位再燒過......阿B話 : "如果無左都係鎖匙既...不過係開午餐肉嗰D囉!! "    真係好感激 Miss 既救亡呀!!!  都話呢個 Miss 好架啦~~~~ 放學後艾文妮仲話呢個 Miss Pro 好多添呀!!!

響團購課程中...我遇過唔少的導師...呢個課程雖然係比灣仔的貴少許...不過得到的卻是多百倍!!  我覺得呢位 Miss 真係好有心機去教導每一位學生...!!  呢日我地三個上堂玩得好開心...帶住靚靚似番個樣既作品離開教室~~!! 

 

相關閱讀:

2011-06-05 銀黏土戒指班 (遇到一位好導師)

2011-06-18 銀黏土吊飾班 (很差)

2011-06-27 PMC 銀黏土戒指班 (最差)