2011-06-27 PMC 銀黏土戒指班

我地架時光機仲係停左響六月份...  大家要比多D耐性適應下 "時差"...!!

連續幾篇都會係關於我地學習銀黏土的過程...... 我學過3間呢D興趣班...位於灣仔呢一間真係好極品!!!  上一次都已經覺得教得差...點知呢堂仲差差差差差...SUPER 差!! 

今次仲有位可愛舊同事加入我地既學習部隊...!! 

27/6 星期一晚放工後...就過海...呢間上次已經學過吊飾...今次我地黎見識下佢點教我地整戒指...!! 

每人都係有包 7g 既銀黏土......

經過上一堂...我地已經用好平常既心黎上...嘩哈哈~~~

今堂有成廿幾人...導師基本上唔得閒理我地...求其叫我地搓下舊泥膠...你唔好諗住整d特別款呀...原來佢只係想我地整好簡單既一個圈...因為呢班係體驗班喎!!  整咁複雜...你不如去買現成啦!!  我真係第一次聽有導師咁教人囉!!! 

其實得一個導師...真係唔夠應付到三檯共廿幾個學生...幸好阿B學過啦...佢響我地呢檯充當小導師都好稱職呀...D同學成日問佢呀...哈哈~~~

成堂我地真係自己玩咁...!!

呢埋 stamp ...大部份得舊木...印台位唔知去左邊...似唔似亂葬崗?!  我覺得似係一個 "印章亂葬崗 "...!!  因為大部份印章已經無生還跡象了!!!

呢盒字母印仔都唔好得去邊呀...又係有d無左舊膠...或者已經面目全非喇!!

至於其他既工具...基本上問咩佢先拎咩出黎...其實...唔係應該準備好上堂要用既工具既咩?!  我地就話上過知大概係點呢...但係舊同事呢d未上過既呢?!  真係比呢間玩死架!!  最搞笑係...當我地問佢 D 複雜 D 既問題...佢居然話佢都唔清楚...佢只係 Part time!!!  唔係嘛?!

同檯同學既作品...堆埋一齊黎烘乾呀~~!!

阿B鑲梗粒石響隻戒指度...!!

阿B既作品燒完喇...出爐喇~~~

可愛舊同事都開始鑲佢粒石喇~~~

我地三個既半成品呀...睇唔睇得出我個隻係咩呀??  就係我個名囉...個 "O"字我用粒石黎代替呀~~!!

三個既完成品...!!

好鬼多裂紋...都唔比時間人地修補...成日係咁催催催...仲話唔比我地再燒架喇!!  哼哼哼!!!  算~~~

阿B呢隻好好多...!!

學習後感想 :

雖然只係團購課程...雖然只係一堂體驗班...但係我覺得佢地可以教得好D...比D Heart 出黎!!  如果佢地繼續抱住呢種態度去教學...我相信只會做衰個名囉!!

呢間之前成日不斷做團購...我地唔會再跟佢學架喇...!!  學壞我地d手勢呀!! 

 

相關閱讀:

2011-06-05 銀黏土戒指班 (遇到一位好導師)

2011-06-18 銀黏土吊飾班  (<~~~ 很差)