終於搞惦丫烏blog問題

今朝早發現左我個 "丫烏blog" 唔夠年齡繼續經營落去...好彩打通去客戶服務...亦比想像中簡單地解決了問題...真係好開心...!!! 

初時仲估緊自己係咪咁搞笑...咁都比我中?!  當時即刻諗解決方法...用搬 blog 方法...?!  一定唔得...我有成八百幾篇 blog 架...點搬呀?!    咁得閒咩?! 

好彩丫烏CS真係唔錯...好快話比我知解決方法...超nice...唔駛登記...隨時拎張 id card 就可以上去解決...真係值得稱讚~~!!  要親自上去...我覺得都好合理...!! 

第一次上丫烏 office...其實我只係去到個 reception...哈哈~~~

響度講左上黎咩事...坐一陣...就有人比張 form 我填...簽名對身份証...走得...!!  半個鐘後就會收到已更改的 e-mail...真係效率快速!! 

好開心終於解決左問題...不過我都係未 upgrade 住...我已經開左個新 blog 試玩下熟習下先~!!   新 blog 遲d 再公開...heehee~~

今日勁搞笑...請左個半鐘...原本仲有好多時間...仲想去 tea 一 tea 先上去...點知我行錯路...傻下傻下行左去灣仔鵝頸橋...唔通個天想我去打左小人先?!  嘩哈哈~~~ 兜左個大圈呀...!!!  終於又行番去原地 Time Square...超搞笑!!  上到已經5點40呀!!!  其實我5點已經到左 CWB 架喇~~~ 我都唔知點解...無可能發生既事永遠會響我度發生...

*** *** *** *** *** *** *** *** *** *** *** *** *** *** *** *** *** *** *** *** *** *** *** ***

夜晚...同阿B去左味千食 dinner ...而家有個兒童餐呀...阿 B 話我可以叫呀！！...因為我未夠 " 13 歲 " 呀.......哈哈哈哈哈~~~~