舞台劇

近黎睇左兩套舞台劇...真係非常好睇...無得 NG 一 Take 過...真係好考演員的功力架!!  好佩服佢地...可以記住咁多台詞對白...!!

睇得最多係梁祖堯既舞台劇...佢真係好落力...近黎睇佢重演既 " 攣到爆 " (15/7) ...真係好好睇!!  今次佢仲有落台黎...我地坐第三行...佢走黎問我地朋友問題...好搞笑...!!  朋友仔仲答佢 : "我無同你搞過野...!! "  

上星期六 (6/8) ...我地又同班朋友仔去睇舞台劇喇...今次睇歐錦棠呀~~~我同阿B都係第一次現場睇佢咋...!!  平時都係夜晚睇 誰家褲頭無煙火 咋~~~ 今次得佢一個人 Solo...估唔到咁好睇...笑爆全場呀!!  如果下年佢又重做...我已經報定名睇喇...!! 

最搞笑臨尾佢扮跳艷舞...跳到落台...我地坐第一行...佢仲用條襪褲套落朋友仔條頸度...笑到我地死呀!  哈哈哈~~~ 佢仲攤開手板問我拎$$...我輕拍左佢隻手一野...佢上到台仲話我地唔比錢仲抽佢水... 

呢個係我家的死佬!!!  哈哈哈~~~~

同死佬一齊睇死佬日記...heehee~~~

睇劇之前...我地成班人去左上環無人街市食飯...呢個街市真係無乜人行的...靜得很...而且好多老人家響度食飯多...!!

我地上 openrice 睇下有冇推介食邊檔...哈~~~ 係無乜人提呀!!  所以我地就睇現場人氣黎揀喇~~~!! 

坐響度都出晒汗...@@!!!  每人揀一碟黎叫~~

三牒都勁熱氣呀~~!! 

近黎塊面係咁出酒米 & 暗瘡...嗚~~~ 我以前好少出架...家下一浪接一浪咁...阿B話我變左烏咀狗呀!!!  嗚~~~ 話我花面貓好似好過D囉~~!!