姊妹裙重新定案

今日重新召集各姊妹...希望約o係 7月22日一齊去 exing 揀衫...出奇地相當順利...一次過就可以 ok...真係好感激各位的協助...反而到 exing 有點問題...當佢知道我地可能揀唔同款時...佢想我地分兩批人去揀...話驚我地姊妹間等換衫會好耐...其實因為佢地鋪頭咁細...我地八個人響度...佢唔駛做其他人生意了 @@~~ 亦提議我落單後...比個單 no. d 姊妹個別落去揀都得...不過...一黎想d姊妹見下面認識下...所以都係決定原班人馬落去...

send 左個 website 比d姊妹睇下有咩款...其實打電話約 d 姊妹時...一聽到話著短裙...部份的反應就係問點解要著短裙...其中一個更話如果咁...佢只係想黎飲算了...當然佢呢番話只係同另一姊妹講...唉...唔識答...不過七個人有兩個揀短裙...三個揀長裙...兩個無所謂...真的有點頭痛...姊妹W問我...咁我自己既意思呢?!  當然想統一一點了...而佢再分析其他...始終還是她最貼心...冷靜過後...決定先問無所謂的意向...答案是長又得短又得...即係可以向長裙方向發展...問題開始簡單了一些...

之後再重新打電話問其他姊妹們的意見...其實每撥打一個電話的等待途中...唔知點解個心有點為難...我很少心情係咁不安...一向講野都很爽快...好少咁猶豫...因為有點怕是在迫對方...其實我想每個姊妹都開心...但係七個人七個心七個不同的思想...要搵到個平衡點其實真係好難好難.....

再一次意外地...最後通過六個也有共識轉做長裙...真的很感激...當時我響旺角花園街的街頭係咁笑...d人望到可能以為我係傻婆...我個心突然鬆了...我唔識形容o個刻既感受...應該係好開心.....我的確很幼稚!!

發了一個 msg 比三個想著長裙的姊妹...看了消息也很高興...姊妹E回了 msg 話呢個係 good news @@~~ 因為佢話自己肥...仲話會響婚禮盡力幫忙...傻瓜~~我叫得你地做姊妹...當然要照顧埋你地既感受...做得到的我會盡力去做去想方法解決了...不過當然要互相合作讓步...亦要唔好將不快及不滿放在心上...有咩我吞好了...所以也很感激姊妹 Y...佢雖然間中會任性下...不過佢其實幾易話為...我話有野搵佢商量...佢聽左之後就一口答應了...o個一刻有點窩心...很肉麻是嗎?!  但係我既真心話.....

每個也為我擔心其中一個不會讓步...不理了...反正她已有了一條長裙...不再等她的回覆了...不想再在這問題上困擾下去...

希望到時順利就好了...