酒店傾細節

今日約左酒店既 Yanny 小姐傾細節 & 睇下個場地...係呀~~ 而家先睇呀...我地無其他人咁做晒 research周圍睇場呀...因為兩個都懶啦~~~ 哈~~ 定晒局先黎望真d呀~~

先前話條樓梯要 share 番個佈置費...所以張 contract 要加多條條款...約束兩家人既使用時間...不過兩家人既 march in 時間其實只係相差 15 mins...有點擔心...

新娘房預左細...不過真係幾細...@@~~ 而圍數至多可以擺 12 圍...多左人唯有每檯加一人啦~~~ 無辦法~~ 各位真係唔好意思喇...!!

門口o個兩度門我地會拆左佢...如果唔拆...我一個都入唔到...無理由 march in 分先後行架嘛~~ 而且casablanca 送左一對花柱水晶座...咁應該會放響門口...因為放上台好似影相無咁方便咁...

而門口o個套梳化位置將會變成我地既 receiption & 相簿區 ... 另外門口出面有兩部大電視...到時兩家人都會每人用一架黎 show : XX 聯婚... 到時仲要交相比佢地整...我地無理由響對方個顯示屏下面擺檔架嘛!!  咁咪令d賓客好易誤會入錯廳囉~~ 我地應該會佈置埋receiption後面...不過唔知要加幾多 $$ 呢? 

到時 march in 會響樓下行條旋轉樓梯上黎...希望唔好自己跴到自己 pk 就安樂晒喇 @@""""  我要學下d儀態先得...

呢張係酒店比我地既 sample 佈置相~~

而家諗緊響邊度拋花球...因為我地註冊完就開席喇...但係有姊姊朋友同事想有拋花球呢個環節...咁究竟係咪要 d 人等埋我地玩完先有得吃呢?!  仲有...係咪應該出黎門口拋呢?!  裡面 set 晒檯...唔係咁多空間囉...遲d要再諗諗...如果有得拋既話...我想自己試下整個花球...因為我想將呢份祝福心意送比接到o個位...不過到時 d 姊妹會唔會好似 tempo 廣告咁呢?!  寧願接紙巾...?!  哈哈~~~

仲有樣幾意外...呢度可以比我地放 12 吋以下既花炮...都算大枝架喎@@~~ 咁我地唔客氣架喇!!!  嘿~~

之後上房睇下間套房...好新淨下...好似先前裝修過黎...不過房入面就大...但係廳就不算大...同我娘家差唔多...咁我返娘家出門都得啦~~

所以阿B話要諗諗先...因為酒店送左一晚房...如果租多晚響度出門就方便D...唔駛搬酒店...但係真係好似細左D...要搵下第度先得...而且價錢都無乜平既...同區仲有其他選擇...搵搵先得...不過真係要 book 定喇...驚 d 人又一早 book定...我地次次都慢人半拍的...@@~

之後去埋睇架七人車...都OK既~~即係我地會有兩部七人車...兩部五人車...一部四驅車...一部花車...所有人應該都有車可以坐了...應該夠晒有突掛!! 

拎左張酒店包印既 sample帖...紅噹噹好囍慶...不過我對傳統野其實麻麻...所以都係會出去再睇下... 不過應該唔會印自己張相響張帖度...我當自己係寶o者...但係有幾多人會用黎珍藏丫...起碼我自己都唔會 keep 人地o個d...d人收到帖...拎左入面既利是同埋餅咭再昅埋個擺酒地點日期...通常都會扔左落垃圾桶...我唔想見到自己張相皺晒皮咁響垃圾桶呼救啊~~~ !!

總括黎講...樣樣都算OK啦...因為我都無乜期望.....