出門酒店

因為上次睇房不太滿意 Metro Park D套房比較細...個廳容納唔到咁多長輩及兄弟姊妹...而且個停車場亦實在太細喇...都唔知夠唔夠位佈置咁多架車...影相出黎一定唔靚啦~~ 而且價錢都唔係平...所以決定去搵第間酒店黎出門喇~!!

不過我地又想搵番旺角區...好似方便D...同區只有兩間選擇...帝京同朗豪~~~ 不過領教過朗豪樣樣都貴...而且近砵蘭街...感覺麻麻地...見過下D blog 友響帝京出門...都ok喎...個廳幾大夠闊落...於是打去問下有冇得睇房同問埋價錢...價錢都貴貴地...不過都可以接受到...800幾呎有兩個廁所呀...我同事話比我聽呢個價都抵架...佢上次響紅磡海逸要四千幾呢...鬼咩...貴在條雲石樓梯...靚好多呢!! 

約睇房...話要預約登記...仲話通常要等一個星期電話通知...不過我地朝早登記...下午就打黎...約好下星期一晚上去睇...都幾快喎!!  酒店D人話都幾多人BOOK套房黎出門...如果10月18日仲貴D添呀...因為o個日係勁旺日...!!   我地book 17號平幾百...之前佢地有個 promotion 仲抵...買一送一呀...即連住兩晚有一晚免房租添呀...不過而家無左喇~~

佢地有間中式佈置既婚宴套房...不過我地又唔係響度擺酒既貴賓...所以無得book...唯有自己佈置啦~~~ 出門我地會用中式佈置...男家o個邊就會將個花園佈置成西式... (在幻想中......)

好期待呢.....