搞惦完自己o個單頭痛野...就要開始著手搞另一單project...心目中一直鎖定在百利訂造姊妹裙...一來自己懶...唔想再周圍揀...而且響度睇過好多次...其實每間既款式都係差唔多...質料也差不多...當然有d料子會好一點...不過相對價錢亦會貴一點...當然 budget有限...心目中已鎖定一個中位數...應該見得人既~~
其實我也有迷失了方向的時候...經別人提醒...應定立一個明確的目標...否則就會跟原意背道而馳...咁又係喎...當初我也是想出黎既效果統一一點...所以才想訂造姊妹裙...如果七條的質料不一樣...配件色系不一樣...咁樣出黎既效果就不是原本的意思了...
所以向所有姊妹發出了一個少少的要求...就是款式可以不一致...始終我也了解各人的體型不一致...喜愛也不一致...而且姊妹裙來來去去也是差不遠的款...所以即使款式不同也可以接受...我唔係咁嚴格既人...哈~~ 只要你們早上接新娘時穿一次...晚上囍宴時再穿一次便可以了~~ 中午時段可以換回便服的...heehee~~
不過當然大家也要為我讓少少的一步...滿足我一生人一次的強制要求^^ ...只是想在顏色上...質料上可以達到一致...希望到時姊妹間可以有個共識便好了...幸好...我的姊妹當中只有個別是強硬一點的...這個我也始料不及...當然有點失望...亦不太明白她所想的...不過也算不上是大問題...現在正盡量安撫中...其實有點無奈...已不是第一次需要安撫了...有時在想...為何她不會站在我的立場去想想呢?! 是否該在這時候去任性呢?! 況且...自問是一個比較容易話為既人...很多時我都會是比較讓步的一個...對於她...開始有點無奈...
***
今晚約了其中兩個姊妹去百利探路...去blog界傳說中的 exing...我地其實無預約...因為只是想周圍看看...不過我唔記得抄低個鋪頭 no....所以幾個人響百利盲中中咁抬頭周圍望...終於搵到了...間鋪真係好細呢!!! 基本上企多幾個人都已經好逼喇...
個 sales 可能以為我地有預約黎試衫...因為佢問我係咪咩小姐...不過我只係答佢話曾經打過電話黎...可能佢誤會我就係咩小姐啦...所以叫我地揀d衫入去試...之後仲叫我地影相@@~~ 無拉拉有得試梗係叫我地靚靚既恩仔去做 model 啦...我地係咁拎d裙比佢試出黎睇...前前後後試左 9 條...試試下咩小姐o個班姊妹黎到...就響另一個試身布簾度試...sales 可能而家先意識到我地係無預約...就問我地兩班人係咪唔識?! 我咪答佢話係囉...所以之後佢幫恩仔試衫時有少少黑面...哈~~ 我當唔知架~~又係你叫我地試既~~
特別鳴謝恩仔出賣色相為我做姊妹裙的 MODEL...高度及身型適中...佢示範得幾好睇啊~~ ^^
個人喜好 NO. 1, 2 及 7 ( No. 7加腰帶會好一點)...
NO. 1 NO. 2 NO. 3
NO. 4 NO. 5 & 咩小姐姊妹試的長裙 NO. 6
NO. 7 NO. 8 NO. 9
影完相...我地就想走人...個 sales 態度有點串...同我講 : 我唔係想迫你落單...不過呢個特價我地已經做左成個月喇...老闆話隨時會加番價...佢問我係想租定造...知道我係造既時候...個樣溫和番 @@~ 我話比佢知會造七條...今次帶左兩個姊妹黎...影左相會比其他姊妹睇...如果啱既我會返黎落...佢放我地走了~~
另一個 sales 態度好好多...可能因為佢只係響度講解價錢比我聽...而唔使服侍阿恩姐換衫掛...哈哈~~
其實基本上我已決定響呢間搞惦了...因為我地都無再睇清其他了...再問過幾間既價錢又貴左 d ... 所以決定了去冒呢個險...哈~~ 因為有用家表示 ok...亦有不 ok...既然每間公司都會有問題...所以不再去多想了...姊妹們~~~ 我地去闖關喇~~~!!! 希望順利過關啦~~~
***
探完路就去醫肚...去左江川手打烏冬食野...呢間都幾好味架...我地食過幾次喇~~~
沒有留言:
張貼留言