三姑六婆

有人叫我搞婚禮唔駛搞咁多花樣野...因為佢話收到唔會 keep 張帖黎留念...我對佢講...我只要賓客收到時留意到...我地就達到了目的了...如果有人讚有人keep就當係 bonus...為左自己既婚禮去努力...我覺得唔係為左別人...而係為左自己...將來有冇人記得我地既婚禮過程唔緊要...至重要係我地兩個記得...屬於我地兩個既美好回憶...當然有別人欣賞我地更開心...但係比著呢d百彈 c 奶黎講...的確佢唔會了解待結婚的人既心情同感受...所以我原諒佢既一次又一次的單打冷嘲熱諷...因為由選時間地點...每樣佢都會左講右講...有點討厭...雖然我選既野唔係好 grand 好 high 好貴...不過我覺得我地既誠意足以彌補囉!!  有次佢又彈話咁咁咁...小禮物又左嫌右嫌...揀食又話唔好...揀實用既又話阻訂...揀星期日擺又比佢話...話第二日仲要返工...響酒店証婚又話做乜咁夜阻住食野...咁夜先食野會暈...你咁大個人識唔識有分寸?!  又話到時有冇車接送?  仲話間酒店咁唔就腳到時落雨都唔知點算?!  我咪串佢囉 : " 家下你黎飲咋喎...我都未擔心既問題你都擔心埋...好彩你唔係我奶奶...唔係真係咩都唔駛做!!"   有時都幾激氣...比呢d taste 比我更差既人黎彈彈貢...一d 禮貌都無...你又唔係做幾百萬既人情...點解要咁高要求呢?!  如果我地都算搞得唔好...我覺得大把人都係搞得唔好...不竟我唔係徐子琪...唔係李嘉欣...!!   唔係陳慧琳...!!  無幾千萬做 backup!!  將心比己...如果係你...你會點諗呢下?!  有時口賤真係令人討厭囉!! 

噚日又對我講...到時佢只會著平時返工d衫黎...係咪short上腦?!  佢同我講左呢句好多次...你著咩係你既事囉...著得醜著得衰都係影衰你自己...唔會影衰我囉...!!  真係令人氣結!!  所以...再有下次...我會唔客氣...不竟我都係小辣椒一名...只不過我比較有修養!!  我對你既容忍度已過了!!

其實你咁憤世嫉俗...我驚你黎到我既婚禮更眼火爆囉...多野彈到你口都臭囉!!  你不如唔好黎啦下!!  成日只識撥冷水...你識唔識學曉欣賞別人呢??   可能 d 人無拖拍就會咁...d "阿豬媽"真係超煩!!  好難頂!!