因酒店有張 coupon 訂伯伯既雪糕劵有折...前幾日就 fax 左張 order form 訂劵...點知回覆話無咁快有...因為跟呢d訂單既同事請左大假!!! 唔係嘛?! 得一個人跟到既咩?! 我話比佢知要趕住用黎過大禮用...佢話再幫我問問...梗係要問啦~!! 終於回覆話可以今日有得拎...@@~~
70 張雪糕劵終於到手了...有效期只係去到2010年12月31日...好似短左d... 不過點解佢幅圖要係 " Happy Birthday " 既?! ~___~"
送左兩個 cushion 話祝賀我地新婚...真係多謝喎!!! 送盒月餅比我就差唔多!!
um...咁多劵...實在有點誘惑啊...我驚忍唔住拎去換雪糕食啊~~!!
***
近黎夜晚屋企變左做加工工場...早幾晚就將d餅咭加工...個打孔機真係要用腳跴先 work...而且仲要用點陰力...唔可以用蠻力的!! 呢d 粗重功夫...真係要留比男士先得!! 特別係個囍字...真係幾難打!!
先試下打邊度會好睇 d ...發覺打紅色部位效果係最好既~
開工喇~~~ 阿B發覺貼張膠紙響另一邊會固定到張咭...打得易D又準D...
西式餅咭就用心心圖案~~ 打出黎都幾靚啊!!
終於大功告成喇!!
中式西餅咭...將餅咭反轉入會突出到個"囍"字~~
西式西餅咭...用番正面既紫色咭...好柔和好襯呢~~
唐餅咭...本身個信封都好靚...打埋個囍字...效果出黎真係好靚~~
經過一輪加工工程...所有餅咭搞惦晒喇!! 應該夠喇掛!!!
仲有乳豬劵未買...不過太興話隨時有既...而且要買滿 50 張先有折...我買咁少量...所以遲d先買都未遲......
印得好靚呀, 有西餅唐餅咭仲有雪糕卷, 呢個炸彈真強勁呀!
回覆刪除[版主回覆09/03/2009 12:24:00]哈~~ 炸彈入面只會有一種 " 炸藥 " 啊~~
4款炸藥放晒入去...炸乾銀包啊~~ 哈哈~~
紫色心心好靚呀!!
回覆刪除[版主回覆09/03/2009 12:25:00]係啊~~出黎效果幾靚啊~~＾＾
好靚丫~
回覆刪除[版主回覆09/03/2009 12:25:00]多謝啊～～你又買個黎加工玩下啊!!
買雪糕卷有幾多折呀??
回覆刪除[版主回覆09/03/2009 12:26:00]用酒店張 coupon 有八五折呀~
你老公真係好~呢d野一定係我自己整,我老公未必會參與,好似花球,襟花,結婚証書套都係我自己搞店,佢完全冇呢d concept~佢唔會諗到主人家要戴襟花囉,咩都係我叫佢做,佢就做一下,我話租禮服,佢就去比錢,睇資料都係我!!如果我咩都唔做,到時真係棟左o係度~佢呢個人唔到最後一刻都唔做,重要出力踢佢先得!
回覆刪除[版主回覆09/05/2009 11:36:00]男人真係好懶架~~ 我都係叫左佢好耐先肯郁...
不過佢有樣好...就係一郁就會好積極~~家下變左我反而懶左 (因為佢搞...我變左指手劃腳多...哈~~)
之前佢成日掛住打機...o個時我地咩都未book到...佢仲好懶懶閒咁...激到我死!!
搞婚禮好多時真係女既搵資料多啦...要求又多d...所以好多blog友仔初時都會覺得好似得自己一個人結婚咁@@~~ 我都曾經想過負氣..."你唔理大家鬥唔理囉 "既心態...不過好快冷靜左...因為我唔想自己後悔咁幼稚...heehee~~~ 始終都想有個開心既婚禮囉~~
請問d通花o既chop要o係邊到買ar????
回覆刪除[版主回覆09/15/2009 01:41:00]響女人街同花園街既攤檔都有架...
不過要格下價同講價呀...再唔係扮走...佢即刻會減價比你架...
大概 $28 左右...
你好,路過見到你的chop 印得好靚! 我都有一個, 不過囍字兩邊的橫線經常斷, 請問有甚麼方法可以打得這樣整齊 >?
回覆刪除