婚前檢查 & 打針

今日係 " 搞一搞 " ...所以我地就 book 左今日去做婚檢...上次響 expo 無拉拉揀左防癌天使...不過好鬼遠...響中環...仲要唔近地鐵站...又唔識路...都行左幾個字先搵到...好彩唔係咁熱...中環 d 路又斜好難行...有點捉蟲的感覺...

約左十點半...之前唔醒起問驗之前食唔食得野...所地兩條友仔空住肚水都無飲過就出發...去到後晴天霹靂...原來可以食左野驗都無問題架!!  oh~~~ 好肚餓呢!!  個姑娘請我食左包餅先抽血...無飲過水尿都唔多滴...哈哈~~~

度完身高磅完重...就去抽血...um...好驚啊!!  可能因為緊張...所以覺得好痛...痛完右邊...即刻要痛埋左邊...因為我仲要打埋支阿 sa 針...有心理準備會好痛好痺...過程雖然好快...不過一打落去真係好痺...兩隻手都好痛好痺...完全伸唔起兩隻手...好似猿人咁行番出黎...

姑娘話打完針一個月內都唔可以打第二d針...而且全日唔可以用力...如果唔係會腫起上黎...叫我咪睇少...仲叫我咪做家務...哈哈~~~果然係真好堅...下午我覺得左手已經唔痛...但抽血隻右手就仲痛...所以去洗手時就用左手黎接皂液...點知一用力就好痛...嚇死我!!  所以全日就乖乖唔再用力喇!!

一個星期有 report...不過會先打電話比我地講情況...無乜特別既可以打第二支針先拎 report... d姑娘都幾好...不過全部都係阿嬸黎...哈~~

之後阿B要去第度做男性檢驗...我就響大家樂等佢...哎...好肚餓啊!!

***

跟住去左花墟周圍行...約左三點鐘試造型揀飾物...可能無化到妝...而且 mua 又好似趕時間咁...整得好求其...我覺得上次佢有心機d...希望 Big day o個日佢會回魂啦!!!!   有d擔心......