準備...gogogo~~

時間過得真係快...黎緊既 sat 就係過大禮既日子喇!!

阿B響度整理過大禮既物品...細細好奇地四圍巡...哈~~

佢對食o個d最有興趣...哈~~

今日醒起唔記得訂龍鳳對餅...即時打去問榮華可唔可以電話訂...聽晚拎盒時先補番d餅咭...佢話無問題...搞惦~~!! 

不過聽晚要阿B一個去拎 D 餅盒同禮餅了...辛苦晒喇!!  因為我有約呢~~

12月有姊妹結婚...榮幸地成為佢既姊妹團一份子...heehee~~ 約左聽晚去試姊妹裙...哈~~感覺奇妙呢~~ 因為佢都係我既姊妹團成員黎架~!!

***

哈哈~~現在阿B正在煩惱要入幾多禮金入呢度呢...

其實我爸爸就無乜所謂...佢驚我嫁唔出咁...話唔駛錢拎去喎!! ><"  仲話所有人情都比晒我地...真係好感激呢~!!  其實錢唔係重要...最重要係聽到佢呢番說話......

真係好慶幸有個通情達理的爸爸...我媽媽都係一個好善解人意既人黎架...兩個都唔係d斤斤計較既人...所以阿B真幸福...嘩哈哈~~ 佢完全無任何難關要通過...亦都唔駛怕傾到反晒面打交上頭條...

不過阿B對我父母真係好好就真...佢份人好孝順...甚至乎連公司的阿嬸都對佢讚不絕口...話佢肯幫人...個個講到係我執到咁...@@~~

既然我爸唔肯講數字...阿B就問我...應該放幾多...哈~~我點知呀?!  你問自己好過啦~~ 之後佢又叫我估佢會放幾多...我真係無咁笨去估呀!!  我叫佢講黎聽下等我批...HAHA~~

我銀包袋左一幅佢地兩個既合照...我成日拎出黎同人講...呢兩個係我生命中最重要既男人...一個以前負責養大我...一個以後負責養我...哈哈~~ 有佢地...我好自豪...^^

***

爸爸買比阿B的女婿多寶中有個銀包...老爸又問我應該放幾多錢入個利是封度...你地D男人丫...我話是旦得啦...佢講笑話入得少驚對唔住阿B喎...比佢笑死~~

而且我知老爸成日客客氣氣...佢生日時D親戚比利是佢...佢會回番有突既比人...即係人地比 $100...佢入番 $200比人@@!!!!   所以我千叮萬囑佢...sat 收到禮金封唔駛回番禮自己袋就得喇...收到包羅萬有封就回番一半...!!  唔知佢會唔會記得...哈~~