好有效率的一天!!

今日好忙碌...先去左電髮...之後去左沙田 (1) 榮wah借禮餅及禮書盒及訂餅 (2) 買過大禮用品 (3) 買女婿多寶 (4) 去旅行社攞資料......今日效率好高~~

我地先去榮wah借禮盒...要帶埋三十張餅咭去show比佢睇...真係麻煩~~寫張野証明我買左咭咪得囉...拎黎拎去跌左咁點算呢?!  另外因為近中秋既關係...所以連囍餅都要預先訂呢~~ 11號晚黎拎餅盒 & 禮餅準備 12 號過大禮用~~

搞惦之後就去左海味鋪...阿B想買D海味過大禮用...想話買少少...終於買左六樣野...點知都唔平...店員成日叫我地買翅買花膠...都唔識整買黎做乜?   所以我地只係買左乾瑤柱...蝦米...髮菜...冬菇...飽~~~片...蠔豉等...呢d簡單阿爸識整既野...呵呵~~~ 阿B估唔到呢D雖然份量少少但係都唔平呢~~ 鬼咩...個店員知我地咩都唔識...咩都搵貴既塞我地要...我地又懞懞下...呢個時候好掛住我媽咪呢...佢響度就好喇......黃老太 (格價專員) 一定會提點我地!!

黃老闆成日催我買野比佢女婿...唉...唔係我唔買...不過阿淹尖少爺成日都唔得閒去揀...咁我都無辦法架嘛...而且黃老闆又下左命令要揀D佢鍾意既野...咁我想求其交差都唔得啦~~ 仲有佢想大日子當日頒獎比阿B...叫我幫佢另外買樣野...哈~~阿B你就好啦...黃老闆開水喉比你啊!!  真係令人妒忌呀!!

因為下星期六就過大禮喇...所以呢個星期一定要搞惦呢個女婿金多寶項目...好彩沙田咩鋪頭都有...所以要買都會比較容易~~

首先買皮帶...去左 ck 度睇...有條幾特別...不過亦比較貴...但既然少爺仔睇啱...即叫佢試...費事周圍再睇...搞惦一樣得一樣!!  比錢時原來一田咭有九折...慳左d~~

睇下銀包款...都無乜款啱...

之後去旅行社睇下d 資料...因為我老頂噚日問我會去邊 Honeymoon同埋去幾多日...我話想衝出亞洲同埋想去十幾日...佢建議我去西歐...亦提醒我唔係成日成團的...叫我睇多幾間...另外兄弟A都提我係時候要去報名的了...所以今日就去問下D詳情...問左幾間...覺得永安既出發日期同埋行程都比較啱我地...不過都係睇定D先...而星辰既態度實在太串...我地出左門口即刻扔左佢份章程~~ 因為佢地D態度應該要再培訓下!!

咁啱兄弟A佢都剛去完旅行社攞資料...佢之前想去日本...不過問過十一月好似麻麻咁...所以佢可能轉移去 New Zealand Honeymoon....其實有d 想 join 埋佢地一齊去 Honeymoon 的...我地差唔多時間結婚呢~~ 因為一齊玩會更開心...

佢好好人呢...幫我地拎埋d資料黎睇下...佢覺得我地揀o個個團都幾好...啱晒我地第一次去既人...走馬看花樣樣有...哈哈~~~ 佢前兩年去過呢!  所以叫我地有野可以問佢丫!!   上次同佢地去完笋崗買囍慶用品...不過比佢未來外母鬧呀...原來七月鬼節係唔可以買呢d野喎!!  咁我地百無禁忌架嘛...有乜所謂呢?!  好彩佢未老老婆只係拎左少部份返屋企...唔係仲大鑊...哈哈~~

***

跟住再去睇下 Texwxxd d 牛仔褲...嘩~~呢間野每年都貴一百咁...家下一條牛仔褲都要成八舊幾水?!  搶咩?!  太過份了...所以放棄了~~~ Lexx's 都唔駛咁貴啊!!  牛仔褲咋唔係賣皮褲丫嘛!!

再去睇下d皮鞋...睇左幾間d款都幾阿伯...終於睇番之前買過都幾好著o個間...試左幾款...有一款著得幾靚...不過鞋側邊頂住腳眼...加鞋墊都係頂...咁點著得舒服?!  所以就試過第款...終於都試啱!!  咁就搞惦左兩寶了...!!

不過時間都唔早喇...成九點幾我地都未食晚飯呢...所以決定撒退了!!  明天再繼續~~

返左太和新開o個間心粥館食晚飯...都ok既...