過大禮

今日係我地其中一個大日子!!  就係過大禮喇!!  呢幾日都唔多好天...朝早仲天陰陰...好擔心會落雨...點知下午居然好好天氣...好開心啊!!  真係一個好日子呢!!

噚晚阿B執野執左好耐...因為佢想整得靚靚地咁拎去我屋企...嘻~~ 禮盒內放滿海味...禮書盒內有龍鳳蠟燭上頭用品及對聯...仲有兩封包羅萬有大利是...西餅咭...囍帖...男家送的一對龍鳳手鐲...當然唔少得既禮金封啦~~ 個銀碼...哈~~ 黃老闆應該會幾意外...^^  加埋對龍鳳餅...買埋籃生果上黎就搞惦晒!!  簡單而隆重...而且又唔浪費...呵呵~~~ 實在好滿足!!

今日好開心...好多搞笑野出現...個個在場既都替我地開心...祝福我地...真係感動啊!!

四姨叫我唔駛匿埋...因為家下唔同時勢唔駛咁執著...所以阿B都上埋黎...仲熱鬧呢...齊齊見証!!  YEAH~~~ 因為太多野又重...阿B加埋堂佢家姐及大嫂都拎唔晒D野...所以call左我兩個平時無乜貢獻既細佬落去幫手拎上黎...!!

最搞笑係我爸爸...居然買左個生果籃返黎...佢話回禮回一整籃好睇 d 喎!!  每種生果都有解釋添呀!!   而且佢仲用手機拍左段短片祝賀我地呀...怕怕羞羞咁...笑到我地丫...!! 

黃老闆仲親手送女婿四寶比阿B呢...送既開心收既更開心...哈哈~~

今日第一日派帖呀...佢地好欣賞我地張囍帖呢...雖然唔似得其他blogger咁有精彩既DIY ...不過我地都加左唔少心思落去加工張帖架!!

最搞笑係黃老闆拎住 D 餅咭...話聽日就派比隔離屋...我講笑話 : " 家下只係落左訂...都未係嫁左出去...你咁快派餅...一陣退訂點算?! "  佢即刻叫我吐口水講過...heehee~~ 講下o者...講下o者~~

今日實在太開心喇!!  回家途中...我問阿B今日緊唔緊張...佢話好興奮...哈哈~~而且噚晚執完野...訓落床...好眼訓不過眼光光眼仔碌碌...哈~~

好難忘的一天!!  ^____^

過完大禮...即係距離大日子更接近了!!!