派得帖喇!!

做正經野...我地通常都會慢工出細貨...估唔到過左大禮成個禮拜先搞惦晒d帖...heehee~~

其實過大禮o個日...我地已派左兩張帖架喇!!   我地反傳統...黎一招 "即印即派"...哈哈~~ 咁至夠新鮮滾熱辣丫嘛!!!

首先出場既佳麗....1 號 中式帖~~

貼左我地既婚紗相響囍帖入面...務求要比個十分驚~~~~~喜比大家...哈哈~~

帖既封口...當然會用我地 " 曾黃聯婚 " 既貼紙啦~~ D 老人家一定鍾意啦~~ 跟足傳統黎做架~~!!

酒店 provide 既地圖唔夠清楚?!  唔怕...帖入面仲加多張詳細 d 既地圖...咁都唔識既話...咁麻煩去搵路人甲黎問下喇!! ^^

除左親戚外...其他人都會收到我地既紫色炸彈!!

接住出場既係 2 號佳麗~~~西式帖

西式帖就將張婚紗相貼左響張帖上面...係都要迫人睇我地既樣...heehee~~

拉出黎就會收到我地既回禮利是及精美地圖一張!!  女家既朋友就加送餅咭 / 雪糕劵一張~~ (近黎多左好多女家既朋友...哈哈~~)

阿B仲好好心機用繩分門別類咁扎起黎呢~~~ 喎?!  乜呢位小姐的名字叫 " SMALL" 既?!  好特別呢!!  哈~~

帖既封口...今次用英文名...仲有個日期...你地唔會唔記得邊日喇掛?!  1018 !!!

由今天開始...我地將會化身成為炸彈人...呵呵~~~由邊度炸起好呢?!

***

以下係揀選囍帖以及部份加工過程紀錄...!!  之前因為未派帖的關係...所以 lock 左...有興趣的話可以去看一看我們的無聊過程...^^

我們的囍帖:

http://hk.myblog.yahoo.com/jew903hk/article?mid=1127

拎左囍帖:

http://hk.myblog.yahoo.com/jew903hk/article?mid=1695

JB 囍帖組合:

http://hk.myblog.yahoo.com/jew903hk/article?mid=1750

囍帖加工:

http://hk.myblog.yahoo.com/jew903hk/article?mid=1897

人名 label 的設計 :

http://hk.myblog.yahoo.com/jew903hk/article?mid=1915