籌備婚禮的過程...雖然亦曾經有過小爭執...不過今晚居然是為了一些無關痛癢的無謂人而引起了極大爭執...真的很不值...而且很痛心.....在這時候留下這道傷痕...太難堪太遺憾............
一直都很堅持不想請公司的一些八婆份子!! 既然把口生響佢地個臭臉上...點解我仲要去討好呢D人? 而且佢地唔黎唔關心...對我黎講更好!! 少D話題比佢地八!! 我對耳仔清淨好多好多!! 難道連屬於我們的婚禮都必須要有佢地參與才能成事嗎??????? 既然佢地成日都唔要面...我做乜仲要比面佢地?! 而且擺明唔妥架啦...呢個時候更唔駛理佢地...你估佢地會祝福我地咩?! 加上已經頭痛梗唔夠位比人坐...仲要百上加斤?! 未夠煩咩?! 如果覺得仲有位比人坐...點解唔首選D親戚朋友同事既老公老婆呢? 仲派帖比佢地班八婆? 派餅我都仲諗緊益唔益佢地啦...如果佢地玩野既話...真係黎到咁點呢? 我唔想當日唔開心囉!! 點解一定要堅持要派比佢地? 既然怕佢地講...其實以佢地咁勢利...派帖比佢地一陣話呃人情亂炸人仲肉醱過唔派...係咪?! 我就唔信佢地咁唔知醜話我地唔派比佢地咁 " 火羅 " 爆瘀皮囉!! 全公司都有而佢地無...佢地係咪更需要檢討呢下呢下? 親戚已夠煩...但無得揀!! 但朋友...我總可以揀...是嗎?! 難道這堅持也是錯嗎? 難道婚禮上的細節我可以選擇...偏偏這樣就不可以嗎?!
點解你要睇佢地面口多過照顧我既感受呢? 你真係覺得你派帖比佢地會有面D嗎? 我唔覺囉!! 我覺得更遺憾既係...你居然同我講...你只係得 " 三圍 " ??????? 換句話黎講...你咁計算...係咪要充夠人數而請埋佢地呢? 其實已經所有人情都歸男家...我爸爸已經無乜所謂...點解要咁計呢? 唔係你話比番差唔多數比我爸做禮金就打和...最重要係o個種心...我爸既心事你究竟又理解多少呢???? 呢句說話真係直刺入我心...好痛好痛....... 而且你更為佢地而傷害自己去發洩?! 點解要為佢地而互相傷害? 面子真的重要過我倆彼此的感受嗎?! 而其他朋友兄弟姊妹也只是我的嗎??????
好無奈......!!
總在期待入帖的一刻會有幸福和開心的感覺...誰不知...今晚入帖是用眼淚去伴隨......是否太難堪太難忘了呢?! 很寂寞的感覺........心情好複雜...一天的差別...居然就是天堂和地獄......心很痛......已很久沒有這心痛的感覺...為何又是你令我心痛呢?! 可以停止嗎!? 哭了...身體和心也很累...... 我不要這樣的日子~~!!
只是沙丘上的小問題...... 算了吧。 (← 誰人多手?!)
沒有留言:
張貼留言