婚宴飾物

因為 IB 揀既飾物唔多合心水...所以自己去買左 d ...一直鍾情d款式簡單既飾物...因為太浮誇既我又型唔起...有點格格不入咁感覺...雖然我都明會無咁搶眼...但係只要戴得舒服...我反而覺得仲好仲襟睇......

好鍾意蝴蝶結的設計...簡單易襯...今季 Antini 就出左條仿珍珠頸鍊...未見到實物都已愛上了...d珠唔太大粒...仲有個蝴蝶結吊粒珠落黎...好清雅既感覺...不過套裝對耳環就太大對...太負荷...我對耳新打耳洞就唔係咁適合...所以買左對迷你的...仲好~~可以平時戴番~~ 總覺得著婚紗戴珠鍊會襯d...我唔鍾意成大抽閃令令既鍊放響頸度...雖然好閃好搶眼...不過亦覺得以我咁娘既外型...襯埋就娘上娘囉~~

仲買左條仿珠手鍊...好鍾意...清清地幾靚~~ 呢三樣野加埋阿B送比我既鑽石手鍊就係我進場 + 註冊既飾物喇!!  丫...仲有阿B送比我o個兩隻求婚戒指!!   其實可唔可以連埋隻結婚戒指戴埋同一隻手指呢?!   咁樣好似幾特別啊!!

另外響馬belle買左對碎石耳環...大日子當日我決定只係用三對耳環...(1) 龍鳳金耳環 (2) 小珍珠蝴蝶結耳環 (3) 碎石蝴蝶結耳環... 至於勁誇o個d...為左保護對耳洞...而且我又敏感...所以要放棄...呵呵~~

買左條閃閃地既水晶鍊...又係貪佢平時可以戴番...呢條鍊對於我黎講已經算誇了...迎賓同送客都可以戴丫~~ 至於其他既頭飾仲睇緊...可能響出面租掛~~

響金都買左條 cheap cheap 既穿落手指既手鍊...都幾閃架...不過未知會唔會戴...因為都幾多野下...成手野又好似好論盡咁...