JB 囍帖組合

我們的囍帖項目...差唔多接近完成狀態...今晚入左部份利是...即場黎一場模擬 (無聊) 入帖綵排...嘻嘻~~

我地除左制作左地圖外...仲有將其中一張婚紗相做左張細相...準備入埋落張帖送比人...晒左大疊 3R 相...將佢地 cut 開一半...又要 cut 番靚條邊...cut 到阿B眼都懞~~~流晒眼水呢~~

我地終於可以向所有人宣佈 : 我們~~~結婚了~~~!!   yeah~~!!

好~~開始模擬入帖喇!!   (p.s. 男家派既帖...係無餅咭附送...呵呵~~唔好意思呢!!  所以近黎好多識我地兩個既朋友...話要收女家既帖...哈哈哈~~~)

1. 中式帖 :

(a) 內附中式唐餅劵...用黎派比親戚長輩的~~

(b) 內附中式封面的西餅劵...用黎派比d輩分高又傳統既人...

2. 西式帖 :

(a) 內附西式封面的西餅劵...用黎派比守舊一些的朋友及同事...

(b) 內附雪糕劵...用黎派比年青有活力有衝勁既朋友及同事...

四個組合...裡面內容分別都有 : (1) 帖 (2) 餅咭 / 雪糕劵 (3) 回禮利是 (4) 酒店地圖 (5) JB的婚紗相

你地究竟屬於邊個組合呢?   嘿~~

原來入晒 d 野入去都幾重下 @@~~

好期待派帖的那一天呢~~~~

各位密切期待 2009-10-18 世紀大騙案即將發生...各位到時記住帶定多d銀兩黎喇~~ ^^

***

細個時...新年總會幫媽媽入利是...但總係覺得係件苦差...因為睇得唔駛得嘛!!  今日...坐響度入屬於自己將會派比人既利是...心情好複雜...好興奮...好開心...但另一方面...見到入咁多錢派比人又有點赤赤痛...哈哈~~ 真係衰衰格既啫~~^^