是日繼續有效率~

今日出左緣美...點知個老闆串爆...我好記得之前佢話會派起碼兩個人黎...家下佢話一個人黎都算了...問佢幾時可以整好d咭...佢又答得無棱兩可咁...而家佢又話只係印一百張咭...之前問其他公司都包起碼三百幾張相...佢話印一百張...即係唔會影得多過呢個數目啦~~~你咪理我幾多個家庭成員響張相入面...總之你應該見人頭就派...其實貴左都算了...不過總係覺得比佢賺唔值!!   而且佢講d野同 join o個時有出入...總係覺得大日子o個晚會有問題發生...希望只係我想多了......不過我覺得我係想少了!!!!!  當日佢叫我地大日子一個月前黎提你...我都覺得奇怪...而家覺得呢條友都係唔多老實!!

***

之後去左旺角拎野...經過廣華醫院門口好多電視台及報館既採訪車...後黎夜d先知原來旺角有人用腐蝕性液體襲擊人...近來幾時發生事故我地都係差唔多時間響附近...um...諗起都有d驚......點解d人可以咁衰架?!

***

下一站就係去沙田...繼續噚日未搞完既女婿多寶...再唔買之後幾日都無時間喇~~!!  所以今日一定要搞惦!!

既然 Texwxxd 咁唔抵...就去 Lexx's 睇睇...點知咁就買到!  不過之前既項目有點超支...哈哈~~阿B良心發現...所以揀了個 cheap cheap 銀包...哈哈~~ 不過都幾靚架!   之後仲買埋隻錶...呢隻野係黃老闆叮囑我一定要買的...係要黎頒獎用架喎!!  (可能係長期服務獎...嘩哈哈~~)   我叫左阿B唔准偷偷地拎黎戴!!

終於搞惦左呢個煩人項目...呵呵~~~ 當堂鬆晒!!

***

之後就搞埋個大項目~~~報團去Honeymoon!!!  其實我地無做過任何 research ...貫徹我地既隨緣同埋憑感覺既作風...終於走左去永安報團...heehee~~~ 我地只係噚日聽左個sales依依哦哦係咁意介紹下咋....不過其實去邊都無所謂...既然有個長假期...咁就想去遠d...如果今次唔去...唔知幾時先會的起心肝去了......所以決定去歐洲13天...其實扣扣埋埋...都係得10天左右.....雖然明知係會走馬看花...不過我地次次去旅行都會自得其樂...基本上人地話悶既地方...我地都會覺得好玩...可能我地唔係太高要求...有時開心唔開心...其實都好簡單...真係睇你自己點睇......而且去玩就要投入啦...影下相行下街買下野...只要唔駛返工...基本上我已經覺得好happy~~

終於報左喇...阿B話我地結完婚去完旅行後...要隱居幾個月...晚晚食杯麵...哈哈哈~~~

***

努力!!  努力!!