DIY系列有了少少進展...開始行出我的第一步...只不過最後都係有阿B幫手...因為佢睇唔過眼我慢吞吞...但係個 Idea 絕對係我諗架!! heehee~~ 簡簡單單完成...符合晒我既性格~~~~是是旦旦!! 本來我想用文字...不過阿B想用我地既相片...佢話好似襯D喎...
材料 :
響影相期間...我隻細細豬咋咋帝帝若無其事咁坐左響度...佢想引人注意呀!! 做左攝石狗...叫極係都唔肯走...!!
仲有...成日比人哦我負責整o個既野 no show~~所以今晚整左個蝴蝶結...太耐無整...對上一次係 N 年前幫朋友做花車佈置整過下...差d唔記得點整了!! 見得下人掛...@@~~
有冇試過把大口仔, 女放係左右呀? 而家放係上面好似怪怪的!!?? 好得意呀你隻狗狗...好似識得笑咁....
回覆刪除[版主回覆09/18/2009 15:46:00]因為我要將成個相架痴落個架度...
又唔捨得將個大口仔痴埋上面...
所以只有用索帶綁佢地響個架上面固定...
哈~~係咪因為見到我地張相覺得怪啊!!!!! 哈哈哈~~
好掂呀！！平靚正．遲ｄ放係屋企都得
回覆刪除[版主回覆09/18/2009 15:47:00]真係夠平又好簡單呢~~
係喎...可以放響屋企都得喎!!! ^^
好靚呀，我都想學整~
回覆刪除[版主回覆09/18/2009 15:47:00]你又整黎玩下丫...有野要幫手出聲就得喇~~!! ^^
真係平靚正﹗唔講都唔知個架係出於 Jusco﹗好搞笑呀﹐攝石狗﹗陳生望住我對住電腦狂笑﹗Hahaha!
回覆刪除[版主回覆09/18/2009 15:52:00]個架幾靚架!! Jusco十蚊店偶然都有好出品架!!
我隻狗仔佢成日都扮唔係刻意咁黎引人注意架!!
放本雜誌響梳化度...佢會坐響上面扮無野咁...叫佢走開...佢擔高頭周圍望就係唔郁...真係比佢吹脹~~
都好得意呀~~~~襯晒你地呢~~~~~~~
回覆刪除[版主回覆09/18/2009 15:54:00]有幾個人已經對呢兩個公仔打主意...
我已經叫 d 姊妹幫我睇緊d架喇...哈~~
希望大日子後仲見得番佢地啊!!