Our table card ~ Design by SY

今晚收到姊妹Y幫我地設計既 Table card 初稿 email...一打開...好驚喜...好靚啊!!

我的確係無揀錯人...辛苦你了...!!   哈哈~~~

SY除左係我地既 table card 設計師之外...亦都係我地既佈置統籌呢~~!! ^^  到時靠晒你喇...有咩要搬呀抬呀咁...隨便叫你 honey 班兄弟做得喇!!!

真係越睇越鍾意...你 honey 十萬個放心話交比你去搞呢個項目呢!!  你真係幫佢分擔唔少啊!!  近黎佢好多 project 跟緊...所以你令佢鬆左啖氣呢!! ^__~

實在太感激了。。。真係要響度表~~~~~~揚你呀!!!! ^^  又一次體驗...朋友真好!!  其實搞一個婚禮...身邊真的不能缺少朋友的支持及鼓勵...因為很多時真的兩個人不能完全搞得惦...真的很需要朋友的幫忙...好在身邊有班好人義不容辭...真的很感謝~!!

***

今日朝早等到老細返左...我地兩個就開始變身做炸彈人...又興奮又緊張呢...周圍放紫色炸彈...個個都話等左好耐...好搞笑...咁又真係幾耐既...@@~~ 一起多年...真的不易...!!

我地響 lunch 去左飲茶...約左其中3個兄弟去左開小型灌水會議...比左份初稿 rundown佢地過目...佢地仲提左唔少意見...真係好開心...對於兄弟們認真的對待我們的婚禮...真係好感動...辛苦晒喇 (特別係Big day既朝早...哈哈哈哈哈哈) !!  你地太重要了!!

***

夜晚...約左成班 acer family 好朋友出黎聚舊...去左旺角稻香打邊爐...仲黎左個特別嘉賓添...佢真係好可愛...家下 d 小朋友真係聰明絕頂呀!!

今次出黎仲有個目的...就係炸佢班友仔...哈哈~~~ 阿B負責派帖...我負責派雪糕劵...等大家都甜甜蜜蜜...heehee~~~

其實基本上除左男家既親友係無餅咭之外...所有朋友都會收到餅咭 / 雪糕劵...因為我地既朋友無分到係男家定女家...佢既即係我既...我既即係佢既...呵呵~~ 當然希望遲 d 除左朋友無分彼此之外...其他都無分啦...嘩哈哈~~~

今個晚上過得好開心...!!

***

食完飯去左荃灣送月餅比五姨...而其他d 舅父阿姨就麻煩左四姨幫我去送帖及送月餅劵... um... 噚日同今早都四圍打電話...好緊張...令我係咁標汗...只係三舅母既語氣冷淡有點難頂...佢話恭喜晒既語氣真係唔講好過講...哈哈~~~其他既...我相信我打電話比佢地...其實佢地內心會幾開心...不竟我係個乖孩子...呵呵~~~ 而且我不問世事...上一輩既是非我唔太理...佢地都係要面子...我相信我都做得到...希望到時順順利利...無人玩野就好了...!!

其實照顧佢地咁多人既面子...令我地既荷包無左好多銀紙...唐餅劵...西餅劵...月餅劵...遲d仲有金豬劵...OMG...而家聽到個劵字都怕怕!!!!!!!!!!!!   雖然今次公司分月餅兩次我都畫唔中鬼腳...真係有夠黑仔...家下全公司得兩個人無...我係其中一個!!  不過今日伴郎 E 送左佢畫中 o個盒比我呢...好開心...哈哈~~ 即時荷包好似有點舒緩......多謝晒唷~~~^_____________^   你係會有回報架...哈~~~ 不過要等下呀!!

***

另外...今晚去左純美拎埋隻成長片段既 dvd...效果都 ok...我地無要佢o個 d 特別動畫片段...實在好唔得...只係揀左傳統o個款...即係只係出相播歌...效果我地覺得自然好多~~

***

真係好開心...好多收到請帖都讚有心思...好靚...好特別等...有人讚真係出 bonus 咁開心呀~~

今日真係踫到好多好事...!!  太值得紀錄下來了!!