2009年8月31日星期一

CDL 睇新排版~

放工去左 CDL 睇新排版...

改左 8 頁...不過都係無張滿意...遂張遂張再寫低要改既野...

第2頁重做後無咁迫了...不過效果都係麻麻...又改改改~~

基本上我覺得 CDL 無乜點執相...只係將D相整到白左~~ 好彩揀相時無信佢會執走D雙下巴...肥手臂...我已經 out 晒o個d唔揀!! 如果唔係靠佢執都唔知點算...所有我既特徵都會現晒形喇!!

有張離譜到 CUT 左阿B對腳...隻手變得擺到好奇怪咁...我地就係要佢對腳既姿勢先要呢張相架嘛!! 而且仲CUT左我隻大口仔去...剩番大口妹一個響度...有冇搞錯?! 好唔細心囉!!

有D無左大半條裙...坐響電單車o個張無晒背景睇...有兩張無拉拉縮到好細仲變成大過一蚊少少既圓型...仲一邊放一張...搞到好似兩個車胎咁!!

而且我地記得...買相時叫佢地還原番d effect 相...不過一張都無囉!! 所以我地要求佢還原番比我地...!! 佢話下次抄過隻新 CD 比我地!!

有一張我地印象中係無揀過的...而且仲係 effect 相...雖然有兩張相響裡面...不過我地要求佢整番清大o個張...而細o個張因為有張類似既...所以放棄左細o個張了!!

今次見番本相簿...上面mark左好多野 @@~~ 花到丫!!

無得再睇新排版了... 唔得都無辦法喇~~~9月15日會交貨...希望做出黎效果好 d 啦~~!!

估唔到居然響最後關頭要扣 CDL 既分數添!!

2009-08-30 和好朋友一起去笋崗掃貨

噚日我地帶埋11月結婚的兩位好友去笋崗買囍慶用品...真係好開心...大家可以響同一年結婚...有什麼也可以亙相幫忙...這是難得的緣份~~~

今次帶埋佢黎訂小禮物...買左D囍慶物品...之後就去食西湖春天食 DINNER~~~ 兩 pair 食得極之開心...!!

食物質素相當不錯呢~~~~

哈~~ 這沙冰極之巨型呢~~~~ !!! 連 waiter 都嚇親...當然食唔晒啦~~~~kakakaka~~

2009年8月29日星期六

拎左囍帖

噚晚響酒店拎左我地既中式帖...睇住張帖...好開心...哈哈~~ 感覺越黎越真實......睇張帖既內容...覺得好得意...入面寫住我地兩個既名...突然覺得有d 激動......

今日放工過灣仔拎埋D西式帖...yeah~~ 好開心好開心.......睇住張帖...雖然唔係好 grand 既設計...不過係我鍾意既紫色...上面印有我地既大日子...仲有我地特別簡單的 logo...哈~~ 一路睇一路覺得好奇妙......

***

之後去左九龍灣行 spotlight ...都幾多野睇喎...不過價錢就貴少少...勝在款式多...我地都買左d汽球絲帶珠鍊等......

響停車場影左張夜景...哈哈~~ 好無聊...!!

2009年8月28日星期五

收到第一份人情@@~~

今晚約左識左 N 年既老友出黎聚舊...因為澳洲好友返左香港...經過一個星期既隔離...我地批准佢見我地喇...呵呵~~~

佢依然無變...一樣的胖...哈!! 不過又係無帶阿嫂黎...UM......今晚有成十個人...大部份係兄弟姊妹團既一份子...好耐無咁熱鬧喇~~~我地去左五月花食...不過我唔係咁鍾意呢D限時食...都唔知食好定傾計好......

姊妹C話我...乜新娘子唔係要節食既咩?! 原因係澳洲肥仔話我好似大食左!!!!!!! ><" 我無大食呀!!! 原因係我地張檯係長型...上菜位o係我地呢邊...咁我咪成日叫佢地快D夾...快d食食食~~~~因為遞去另一邊就只會傳番隻吉牒返轉頭 (o個邊d人係蝗虫托世的!!)...佢見我成日呢樣又話食o個樣又話食...咪話我好似食多左野咁...我係講多左野之嘛!! ><""""

我同兄弟A分別會響10月同11月結婚...肥仔P呢個時候返黎...我地都估到佢唔會出席我地是旦一人既婚禮...我當然好失望!! 佢以前成日話無人娶我佢會娶我架...雖然我話一定唔嫁佢...不過佢居然響我未嫁得出時就去結婚...我已經哦左佢好耐...家下佢仲唔返黎...想當年佢移民時話最放唔低既係我同兄弟A...車~~你個大隻講...我地兩個聽晒你話同年結婚...你又唔出席!!!! 我成晚問佢係咪想比驚喜我...佢唔答 ><"

呢張就係佢比我地既賀咭同埋人情...~__________~" 有點無奈!!

裡面仲只係寫左幾隻字!!!

姊姊C發現我張咭同兄弟A o個張唔同...即刻笑住大聲話 : 佢今次好有心思...有揀過下...唔係買一樣款架!!! 咁又係...太有誠意了!!!! 哈哈~~~ 應該感動至係!!

不過出席過咁多朋友既婚宴...真的只有他的婚禮令我很感動!! 當年他爸爸患了兩種癌症去世了...女友亦患了癌...最後治好了...那一年真的是他的人生最低潮...很大的打擊...還記得佢輕描淡寫的同我講發生了這些事...其實我知他的內心很痛苦...他們在一起真的不容易...而且我真正感受到他們的愛...共富貴...很容易...但要共患難...互相扶持...真的很不易...而且佢從無諗過放棄佢地既感情...唔會覺得對方係一個負累...我覺得有呢個朋友係我既榮幸同驕傲!!! 其實佢令我學懂了...應該珍惜擁有的...而且亦要懂得知足......

今晚真係好盡興...好鍾意同佢地一齊食野...成日爭食...同埋好貪玩...好搞笑~~~ 今晚仲笑佢地其中幾個...家下好沉迷玩 facebook o個個農場 game 呀...一開 facebook 成版基本都係佢地d 農場相呀...升到咩 Level 呀~~我仲笑話佢地...都好既...睇到覺得好親切...起碼知道佢地既近況...哈哈~~~ 當中特別以搞緊結婚o個未來兩公婆玩得至誇張!!

有日呢位兄弟A打電話黎問我...佢既婚禮唔知仲有咩搞好...咁我就同佢響電話度傾呀講呀...討論左好耐...最後佢話照咁講...佢好多野都搞左----- 即係開左頭未埋尾o個隻...仲約埋下次陪佢地去笋崗買結婚物資......點知收線後無耐...佢條友仔就又玩緊農場.......OMG!!!! 真係好佩服佢!!!! 咁得啦~~~我會響農場揀樣野黎送比你做結婚禮物架喇!!!

食完呢餐後...兄弟C響 facebook 留了一句說話 : 昨晚的感覺真好^-^.... 我地覺得好感動...哈哈~~因為佢好少打呢d說話......的確...咁多年都仲係可以玩到咁開心...真的很難得!!

佢仲舊事重提...當年佢結婚...我地寫既愛的宣言...佢話老婆仲留到而家......heehee~~ 呢d野暫時忘記啦...過左 10月18日先再記啦!!!!!

我叫左阿嫂到時朝早黎玩埋一份呀...仲同佢講 : 你當日可以有仇報仇...盡情折磨你老公喇!! 嘿嘿嘿~~~

收到戒指座及花車佈置喇~

早在三月時已決定搵 Ron 幫我設計戒指座...花車擺設...在四月已交晒 d 公仔比佢加工...今晚終於約左佢交收喇~~

我地去左荃灣某屋苑交收...阿B第一次揸車入去...我地搵左幾耐先黎到 @@~ 阿 Ron 依然咁客氣...四隻我搞唔惦既大口仔大口妹mini size公仔...佢幫我整左套簡單禮服...好靚啊...仲幫我將其中兩隻做左變性手術...好得意搞笑~~ 佢好細心知道我係用黎整簽名筆...仲幫我諗方法點固定響支筆度...真係好感激...而且呢幾隻公仔佢收得我好平...實在太開心了~

對公仔大概 4 cm 左右...都可以整得好仔細...佢既手工真係好得呢~~

四隻仲係仔既大口仔~~~!!

我一見到佢幫其他blog友整既戒指座...真係驚為天人...實在好靚呢~~所以一早已決定搵佢幫手了...各位有興趣可以去佢個blog睇下啊~~

http://hk.myblog.yahoo.com/rongiftflower/index?l=f&id=36

佢做比我睇既初稿已經好鍾意...只是改動了放戒指的位置...其他既已經唔需要改喇...實在太滿意...好開心!!

變身前的樣子:

放戒指的位置用心型好有心思呢~

因為覺得放前面取戒指比較方便...所以請 Ron 作了少少改動~~

呢個就係制成品喇...好鍾意啊~~!!

仲有個靚盒盒裝住呢~~!!

另外訂左一個手花 & 頸花...都好靚啊!! 佢d手花襟花唔係貴...但係手工真係好靚~~絕對值得的!! 如果唔係要用左 Trinice o個 $200 deposit...我會揀 Ron 幫我做主婚人既襟花呢!!

我有三對大口仔大口妹結婚公仔...其中兩對係朋友送既...而我地自己買o個對就係用黎做花車車頭公仔...兩位小朋友~~~好耐無見喇!! 好歡迎你地返黎屋企啊!! ^^ 我好掛住你地呢~~

阿 Ron 比我地睇既初稿...完全唔駛改就收貨!

呢個係花車門花~~ 因為花車係紅色倫敦的士...而公仔又紅色...所以阿 Ron 建議用淡淡地既粉紅會靚 d 襯 d... 初時我以為佢會用小牡丹做...不過佢用左大牡丹...仲靚啊!!

花車頭花... d 絲花真係好靚...好似真花咁~~

放埋對公仔響上面...真係好襯呢!!

收到後實在太開心了...之前睇 e-mail 都已經好開心...成日都開番個 e-mail 黎睇...@@~~

雖然加了少少手工材料費...不過我都覺得好值...而且佢最後都無收我尾數...所以實際只係加左好少錢...

佢真係好好人好客氣...見過佢幾次面...我每次既要求佢都儘量配合我...不過佢唯一缺點就係太忙...哈~~~

2009年8月27日星期四

b 仔花店!!!!!!!!!!!!!!!!!!! 憎死你!!

我係咪同個 b 字有仇?! 成日比佢玩既?! 我真係想打死 b. 仔 ... 上次比佢玩既係四月剛加價!!! 而今次係剛過去既婚紗展居然有擺booth...我行左咁多次都係第一次見佢哋擺檔... 仲要出左d 新款for 呢次expo...而且仲出左d o係出面d shop 都無得揀既款...仲要有八折!!!!!!!!!!!!!!!!!!!!!!!!! ><" 咁多個"仲" 字...佢仲唔係同我有仇?! 雖然我覺得新出既花款麻麻地...但係...八折...八折...八折呀 ><"

我好想放火燒左佢間鋪 (我講下咋...真係比人燒左唔關我事架...我無咁大膽呀)...嗚嗚嗚~~~ 我 20 號訂...你 21 號就擺 booth!!!!!!!!!!!!!!!!!!!!!!!!!! ><"""""""""" 點解...點解...點解...?!

令我更震驚既係......仲送埋呢對電話繩...!!!! 我真係想死~~!!!!

咁算點先?! 嗚嗚嗚~~~~~

2009年8月25日星期二

婚禮中的十個不

當你在籌備婚禮時，總有一大群人來告訴你，應該做甚麼。但另一方面，又該注意些甚麼呢？以下為大家總結了十點「不」，以避免走進婚禮的誤區。

不要以他人的意向來籌備自己的婚禮
婚禮將把許多人，如親戚、朋友和一些社會團體帶到你的身邊，但更重要的是婚禮將把兩個人結合在一起，共同生活。在你籌備自己的婚禮時，應把焦點集中在你自己想要做的，而不是別人所希望你做的。的確，考慮別人的感覺是很重要的，採用一些象徵性的行為將能取悅於別人，但千萬不要做原本自己並不喜歡，而僅為了使別人高興的抉擇，也不要做超出自己支付能力的安排。
不要邀請那些不相關的人
一個簡單的道理就是每增加一個客人就等於增加婚禮的預算。如果你有一個費用的最高限額，你增加人數就意味著要降低其他方面的支出。賓客的增加就等於降低宴席品質。邀請那些你所關心的人和在你生命中有重要地位的人。在婚禮的那一天，你一定希望被溫馨熟悉的笑容圍繞，而不是那些你認不出來的臉孔。
不要遲到
這條原則不僅適用於新娘、新郎，也適用於所有參加婚禮的人。儘量讓你的婚禮準時開始，如果無法準時開始，那一切都將隨之而推遲。在舉辦婚禮的地方更將出現一些問題，尤其是在你以後這裡可能還安排了另一場婚禮。如果因為賓客沒有到齊，使你無法準時開始，那麼等候時間不要超過十分鐘。
不要害怕出亂
通常忙亂從婚禮的早晨就開始出現，一些小問題出現時並不一定會有人發現。如果大問題出現了，你也不能解決，所以不必驚慌，讓別人替你解決，而你只需放鬆自己，保持笑容，去享受這屬於你的一天。
不要過於緊張
一些新娘在結婚這一天沉浸在婚禮的渴望中，以至於採用鎮靜劑、酒精等藥物來使自己平靜下來。
不要做那些對你不重要的事
在傳統婚禮中，你會發現一些世俗和傳統的東西，它們並不重要。如果你不希望的話，你可以不用花童，甚至伴娘、伴郎。如果你覺得有些儀式顯得尷尬，那就省略它。並沒有法律規定你必須完全按照一定的程式，儘量採用自己的方式。
不要忘記進食
饑餓是新娘、新郎將面臨的超乎想像的大問題。以為不吃早飯就可以使你在穿婚紗時顯得苗條嗎？不。早飯可能成為你一天內的最後一餐，而你需要能量。如果你胃不好，那就儘量吃一些鹹的東西。如果到了婚禮開始時覺得胃不舒服，那恐怕就沒有時間再吃東西了。許多新人因忙於接待客人而無暇顧及自己的進餐。不吃東西使人沒有精神，嚴重得可能還會暈厥。因此，在婚禮開始前一定要吃些東西，在宴席中也儘量吃一些。
不要花太多的時間接待個別賓客
這可能有些困難，但你要儘量用少的時間去接待每一位來賓。在婚禮那天，有很多你必須做的事情，敬酒、切蛋糕等。如果你用了很多時間接待來賓，那你做這些事情的時間就將推遲，你可以最後抽出一些時間來招呼好友。
不要讓客人喝醉
你不必請保安來維持秩序，但你必須提醒服務員注意來賓安全，同時讓你的伴郎留意每位來賓。
不要忘記發生的事情
婚禮這一天將很快渡過。幾個月的安排都將體現在這一天。客人們會讚歎你的婚紗、鮮花、享受你為他們準備的豐盛的宴席。但最終，所有的一切只是一個聚會。婚禮有著更重要的意義：它把兩個人緊緊聯繫在一起，共同生活。在這熱鬧的一天中，試著記住一個或兩個重要的時刻。在人群中找到你新娘或新郎的笑臉，以使在以後的日子裡重拾這美好的回憶。