攞左兄弟呔

今日Madmix打黎話 D 呔有得攞喇...趁今晚得閒去拎埋先~~

Sandy 今日無返...係另外一個女仔比貨我地... d 色好 ok...不過我覺得條呔唔夠 3 吋...但係出黎效果都幾好~~ 不過皺唔皺真係唔知喇...是旦啦~~ 佢地都係打一日之嘛...heehee~~

分別話左比兩位兄弟知已買紫色呔...佢地好似面有難色...哈哈~~~ 可能我一向揀d野古古怪怪掛...今次我真係好正常好認真咁揀架!!!!  有個仲問我...條呔唔會有卡通或者怪圖案架可?!  唏~~ 都話左紫色咯!!!   正常呔黎架!!  不過...當我見到條骷髏骨呔o個時...都有閃過用黎做兄弟呔既念頭...嘿嘿~~

唔信睇下啦~~ 係咪好OK呢?!  金啡色 for 伴郎...粉紫色 (真係好靚既紫) for 六兄弟...包你地戴左會覺得自己靚仔左~~!!  如果唔係一定你自己出左 d 問題...哈~

佢地有d好似無黑西裝...不過算啦~~我都唔係咁嚴...求其深色就 ok 喇~~ 不過有一個話無深色...要搵番佢結婚o個件出黎 @@~!!