小禮物加工

響禮真多收左小禮物之後...一直想加工搞搞整靚 d 份野~~~

其實d匙巾本身唔洗都得架喇...不過硬係覺得洗左會靚D...所以又搞搞貢...將D匙巾拎晒出黎大清洗...阿B仲買左D工具黎搞搞佢...不過係唔 work 既...好彩唔work咋...如果唔係佢就大鑊喇...手都跛都似!!   所以......只係洗乾淨就 ok 喇~~

震撼的場面...要洗晒360支匙巾...突然間變左後欄既阿嬸...洗匙巾!!!  (呢d只係部份待洗既匙巾~~之前已經洗左一半喇~~~)

洗完待乾既場面~~~ 好似晒咸魚呢~~~ 男既左面...女既右面!!!

之後見d盒裡面塊藍色紙會趺出黎...又唔忍得手...又搞搞貢...將全部再用雙面膠紙再痴過~~ @@~~

呢d都只係部份既盒蓋~~~ 屋企變左加工工場了~~

起晒d匙巾既吉盒~~~

我都發覺我地幾無聊...哈哈~~~ 搵黎搞!!  所以呢份禮物...真係物輕情義重呢~~~ 價值已不重要了...背後...真係要付出好多心機時間呢~~~

部份已洗乾淨再入盒...仲有一半...革命仍需努力!!!

我地仲會作後期加工...縛蝴蝶結呀!!!

縛左幾盒...其實都幾難綁得靚~~ 要努力 d 先得...希望綁得多就會靚...睇怕都會綁到手抽筋了!!

效果 ok 嘛?!

好希望D賓客會鍾意...咁我地就唔會白費心機了!!