訂了花球

今晚約左好姊妹" ~>__<~ " (呢個係姊妹既網上的代號~ 哈~) 去左又一城訂 b 仔花球...因為佢有匯豐白金咭有 10% disc...雖然唔係好多...但要黎食左去好過益 b 仔!!  鬼叫佢加價 ><"

今日見到 " ^__^" (呢個佢男友網上的代號...哈哈)...聽講佢近呢個月好勤力咁去跑步...真係瘦左喎!!  佢似就結婚多過我呢!!   而且個人精神左皮膚都靚左!!  撞鬼丫...我身邊既人都咁努力既?!  我係咪要反省下呢?!   佢家下行步路都快左呀!!

入到 b 仔~~ 首先問個 sales 十月有咩花靚...佢話除左大牡丹之外...其他都會有!!  不過佢地花球款其實唔多...而且佢地本相簿好唔 pro...影d花出黎唔靚...求其傻瓜機影咁...仲要唔多清楚@@!!   係本 catalog 靚d ...不過 d 款就係上網睇o個d...

其實心目中始終對呢個花球有d念念不忘...不過一定捱唔到一日... ~___~" 所以唯有放棄了...!!   紫色繡球花...同你無緣了!!

次選其實係風信子...不過裡面有玫瑰...個 sales 話如果多踫撞...玫瑰花d瓣好易綑晒黑邊...我咁粗魯一定朝早已搞到個花球好殘了!!  而且我又驚自己唔太受得風信子 d 香味...@@!!  呢個清清地其實幾靚...不過 "~>__<~" 話太淺可能影相出黎無咁顯眼...

之前在網上見到呢個花球都覺得幾靚... d 色幾特別... 不過又係玫瑰...唔通靚花都係唔襟擺既?!

基本上我都鍾意圓圓地既花球...因為比較易拎...哈哈~~  我曾經都諗過用馬蹄蘭...但係阿B話個襟花會唔靚喎...所以為左尊重下佢...唔諗唔諗下!!

終於揀左粉紅小牡丹...類似呢個款...不過係粉紅色~~ 希望到時d花唔好咁細朵啊!!  揀左粉紫色絲帶...但係會唔會條絲帶搶眼左D呢?!  @@~ 而阿B個襟花...就揀左米白色絲帶...

婚期前兩個星期仲可以轉一次款...不過應該唔會變 lu~~

好多謝 "~>__<~" 同埋 " ^__^" 黎陪我訂啊... "~>__<~ " 仲幫我眼同比意見我呢...如果我自己去...一定揀到人地收鋪都未搞惦!! 

之後我地去左騰 x 閣食晚飯...不過 d service 麻麻...叫一碗白飯...催左幾個人都黎唔到!!   其他餸味道 ok...!

~>__<~ 今日出左 special bonus...佢話請食飯... ^__^ 就提議 ~>__<~ 送個花球比我... 而~>__<~ 都一口答應!!   不過我唔想咁...已經麻煩左佢...無理由要人送埋花球...@@~~ 其實有你呢句都足夠...^^  有時一句說話都會令人好感動....再者 bonus 係佢應得架嘛...留番個錢傍身啊!   之後~>__<~話請食飯...要請應該由我請嘛!!   不過最後都係 AA~~ 都好...唔好爭比錢!!  呵呵~~

之後講下近黎 d 唔開心舒緩下... 真佩服阿 ^__^...可能男同女響處理人際方面真係好唔同...女既會感性多D...男既就會理性多D...!!   講左出黎舒服好多............