感動

近日不斷在努力搞結婚既野...雖然好忙...不過真係好開心...間中雖然遇過點點人和事的問題...不過唔多影響開心既心情...因為實在太興奮了......少少問題已變得微不足道了!!

身邊一直有好多貴人...呢個係我既少少福氣...可能我對人比較低 b 樣樣無乜所謂是是旦旦....所以好多人都幾錫我...蠢蠢地多少有點福的...heehee~~~ 當然...我對人都幾好呢個都係事實...嘩哈哈~~

搞婚禮既過程...不時都要搵下朋友幫呢樣o個樣...每個人聽到都好爽快答應...真係好感激...借車...借人...借時間...絕對無問題...

近日阿B終於搵埋幾個兄弟...兄弟團終於正式成型了!!  問兩個兄弟借車...佢地話人到車當然到!!   搵其中一個做司機...無問題之至...!!  好感激你們的豪情!!  ^^

邀請其中一個兄弟做客席 MC ...一口應承...佢既心情仲興奮過我地...仲問我地駛唔駛佢唱埋歌...唔駛啦...我播 CD得啦...費事你搶我鏡啦~~哈哈~~ 又話佢好多歌衫...到時驚換衫多過我...仲話帶埋個大老倌衣箱黎...比佢笑死....!!   好感激你的熱情!! ^^

姊妹更不用多說...這七個人的組合是精選出來的...其實還有一些主動問駛唔駛幫手的...都很感謝你們的關心熱誠~~ 朋友...在心中!! ^^

珍惜身邊值得的人...這是我要做的事!! ^^  至於無謂人...我會學習放輕......